Attivita'
Banda Beland b’kunċert marbut mar-Randan

Is-Soċjetà Mużikali Beland Żejtun se ttella’ kunċert annwali marbut maż-żmien tar-Randan.

Il-kunċert se jittella’ nhar is-Sibt, 17 ta’ Marzu fil-Knisja tal-Istitut ta’ Ġesù Nazzarenu, iż-Żejtun.

Matul dan il-kunċert mużiko-letterarju l-Banda Beland ser teżegwixxi diversi siltiet ta’ mużika sagra, partikolarment dik relatata mal-Ġimgħa Mqaddsa, fosthom:

Ave Maria – Astor Piazzolla (Arranġament ta’ J Mortimer) Sopran Claire Caruana

Ave Verum – Camille Saint-Saens (Arranġament ta’ J.Naulais)

Bless The Lord, My Soul – Sergei Rachmannoff (Arranġament ta’ J.Mortimer)

Pavane – Gabriel Faure (Arranġament ta’ J.Naulais)

Largo from ‘XERXES’ – George Frideric Handel

Barra minn hekk, il-Banda Beland ħa twassal lill-udjenza preżenti għadd ta’ marċi funebri tas-Surmast Direttur attwali, Mro Ray Sciberras, kif ukoll dawk miktuba minn ex-surmastrijiet minn bandisti tal-post tal-Banda Beland u oħrajn miktuba minn kompożituri barranin. Mal-Banda tieħu sehem is-Sopran Claire Caruana.

Il-Banda Beland tkun taħt id-direzzjoni tas-Surmast Direttur tagħha Mro Ray Sciberras FLCM.

Il-Kunċert jibda fis-7pm u d-dħul għalih hu mingħajr ħlas

Aħbarijiet Oħra
Attivita'

F’Raħal Ġdid il-Milied huwa ċċelebrat b’tiżjin u armar fit-toroq, fil-każini kif ukoll fid-djar u l-attività ‘Milied f’Casal Paola’ tkun il-qofol ta’ dan kollu b’attività festiva li se ssir propju fil-pjazza…

Attivita'

Il-Kunsill Lokali ta’ Ħaż-Żebbuġ se jtella’ Villaġġ tal-Milied fi Pjazza San Filep u Triq Sciortino Ħaż-Żebbuġ. L-attività, li qed tittella’ bil-kolloborazzjoni mal-Kadini tal-Banda u bl-attendenza tal-Iscouts, se ssir nhar l-Erbgħa li…

Attivita'

Nhar it-Tnejn 17 ta’ Diċembru fil-Knisja Parrokkjali tan-Naxxar ser jittella’ l-kunċert annwali għal żmien il-Milied mill-Kor Jubilate Deo. Din is-sena, il-kunċert għandu sinifikat akbar minħabba l-fatt li matulu ser ikun…

Attivita'

Għal darb’ oħra l-kunċert annwali tal-kor The New Choral Singers se jittella’ fuq żewġ serati: nhar it-Tlieta 18 ta’ Diċembru, fil-Pro Katidral Anglikan ta’ San Pawl ġewwa l-Belt Valletta, u…

Aktar