Attivita'
Basktijiet ta’ Heritage Malta b’rigali sbieħ għall-ewwel 1,000 student

Mis-Sibt, 22 ta’ Diċembru sal-Ħadd, 6 ta’ Jannar 2019, l-ewwel elf student/a li se jżuru siti jew mużewijiet ta’ Heritage Malta li jinsabu l-Belt Valletta, jew iċ-Ċittadella f’Għawdex, se jingħataw basket b’rigali sbieħ.

Is-siti ta’ Heritage Malta li jinsabu l-Belt Valletta huma: Il-Mużew Nazzjonali tal-Arkeoloġija, l-Armerija, Il-Kmamar Statali tal-Palazz, Forti Sant’Iermu li jinkludi wkoll il-Mużew Nazzjonali tal-Gwerra, Iċ-Ċentru ta’ Interpretazzjoni tal-Fortifikazzjonijiet, u l-mużew tal-arti MUŻA.

Is-siti ta’ Heritage Malta li jinsabu ċ-Ċittadella huma: il-Mużew tal-Arkeoloġija t’Għawdex, id-Dar Storika tal-Gran Castello, Il-Ħabs l-Antik, u l-Mużew tan-Natura t’Għawdex.

Meta jippreżentaw il-card tal-Heritage Malta, l-istudenti jistgħu jiġu akkumpanjati minn żewġ adulti li wkoll jidħlu bla ħlas fis-siti. L-istudenti għandhom jassiguraw ukoll li jieħdu magħhom il-passaport ta’ Heritage Malta, u li dan jiġi ttimbrat f’kull sit li jżuru minħabba li l-kollezzjoni tat-timbri twassal għal offerti oħra.

L-istudenti qed jiġu mħeġġa biex jużaw il-vaganzi tal-Milied ħalli jżuru dawn is-siti interessanti biex jitgħallmu aktar u jżidu l-apprezzament tagħhom għal ġrajjet pajjiżhom u għall-wirt kulturali tal-gżejjer Maltin.

Aktar informazzjoni tista’ tinkiseb minn www.heritagemalta.org/passport

Aħbarijiet Oħra
Attivita'

Fis-Sala Kappella tal-Mirakli fil-Ġnien tal-Mirakli, Ħal Lija se jsir il-festival taċ-ċitru. Hawnhekk se jkun hemm il-bejgħ tal-frott, ikel lokali u inernazzjonali kif ukoll bejgħ tal-prodotti tal-għasel. Il-festival se jsir fl-20…

Attivita'

Skont il-Kummissjoni Għolja tal-Ġnus Magħquda għar-Refuġjati, illum 13.1 miljun persuna fis-Sirja għandhom bżonn għajnuna umanitarja – dan minħabba 8 snin ta’ gwerra ċivili krudili u persekuzzjoni kontra l-Kristjani li ġarrbu…

Attivita'

Amigos huwa grupp magħmul minn żgħażagħ, li jwettqu xogħol volontarju u jagħmel parti mis-Segretarjat Missjonijiet Agostinjan. Ta’ kull sena jwettqu xogħol missjunarju, ‘il barra minn xtutna. Din is-sena jagħlqu 25…

Attivita'

Taħt id-direzzjoni tas-Surmast Etienne Spiteri, il-Banda San Ġiljan se ttella’ kunċert mużikali bl-isem Music from Vienna, li jikkonsisti minn repertorju esiġenti u magħruf tal-kompożitur Awstrijakk Johann Strauss Jr, li żgur…

Aktar