Attivita'
Bazaar fl-Imġarr b’risq volontarji Maltin fil-Kenja

Amigos huwa grupp magħmul minn żgħażagħ, li jwettqu xogħol volontarju u jagħmel parti mis-Segretarjat Missjonijiet Agostinjan. Ta’ kull sena jwettqu xogħol missjunarju, ‘il barra minn xtutna. Din is-sena jagħlqu 25 sena mill-ewwel darba li wettqu xogħol missjunarju, fl-1994 ġewwa l-Brażil.

Minn sena għall-oħra jorganizzaw attivitajiet sabiex jinġabru fondi sabiex iwettqu x-xogħol li jkollhom pjanat, jinxtara l-materjal u anke oġġetti li jgħinu lin-nies tal-postijiet li jżuru.

Il-grupp li tiela’ din is-sena huwa kompost minn 5 żgħażagħ flimkien ma’ Fr. Mario Abela u se jwettqu xogħol ġewwa l-Kenja. Wara l-attività tal-bejgħ tal-Christmas logs imiss Bazaar b’risq il-Kenja ġewwa l-Maħżen tal-Festa tal-Imgarr Malta (taħt il-Knisja Parrokkjali) li se jseħħ mill-Ġimgħa 25 ta’ Jannar sal-Ħadd 27 ta’ Jannar. Il-Ġimgħa l-bejgħ jibda mill-4:00pm u s-Sibt u l-Ħadd mit-9:00am sat-tard.

Fil-Bazaar wieħed għandu jsib bosta affarijiet bħal kotba, ħwejjeġ, ornamenti fost affarijiet oħra bi prezzijiet ridotti. Wieħed jista’ wkoll jiltaqa’ ma’ dawn iż-żgħażagħ flimkien ma’ oħrajn li diġà wettqu din l-esperjenza.

Għal aktar informazzjoni u għal attivitajiet oħra mwettqa mill-Amigos tista’ żżur il-Facebook page tagħhom https://m.facebook.com/missions.amigos

Aħbarijiet Oħra
Attivita'

Il-Festival Nazzjonali tal-Ktieb 2019, l-aktar ċelebrazzjoni tal-ktieb importanti fis-sena, se jiftaħ għall-pubbliku nhar l-Erbgħa 6 ta’ Novembru b’konferenza dwar il-letteratura tal-fantaxjenza bl-isem ‘Strange New Worlds’. Il-konferenza se tkun organizzata mill-Kunsill…

Attivita'

Wara 100 sena minn twelidu, il-Belt Valletta se tħaddan fiha l-kommemorazzjoni ta’ wieħed minn uliedha; l-artist Esprit Barthet. Mwieled il-Belt fis-6 t’Ottubru 1919, Barthet għadu rikonoxxut bħala wieħed mill-aqwa artisti…

Attivita'

Jingħad li ż-żfin huwa l-lingwa tal-qalb u tar-ruħ. Il-bnedmin jiżfnu għal diversi raġunijiet – biex jagħtu gost, biex jiċċelebraw, biex jipprovokaw, biex jitfejjqu, biex juru ħilithom….. Imma l-moviment kif jieħu…

Aktar