Ċans biex iżżur b’xejn it-Tempji ta’ Ħaġrat u Skorba

Nhar il-Ħadd li ġej, Heritage Malta se tkun qed torganizza open day fi Skorba u t-Tempji Ta’ Ħaġrat. Dawn iż-żewġ siti jiffurmaw parti mill-lista tal-Wirt Kulturali Dinji tal-UNESCO minħabba l-valur arkeoloġiku tagħhom u għall-kontribuzzjoni tagħhom għall-għarfien tal-preistorja Maltija.

Skorba tinsab iż-Żebbiegħ fil-limiti tal-Imġarr, Malta. Dan is-sit huwa uniku peress li jipprovdi evidenza kruċjali relatata mal-aspett domestiku tal-bniedem preistoriku, primarjament permezz tas-sejba ta’ fdalijiet ta’ numru ta’ għerejjex li ntużaw mill-bennejja tat-tempji. Uħud mill-istrutturi ġewwa das-sit jmorru lura iżjed mill-Perjodu tat-Tempji (jiġifieri qabel it-3600 QK), u għalhekk jitqiesu bħala fost l-eqdem strutturi mibnija fil-gżejjer Maltin.

Is-sit arkeoloġiku Ta’ Ħaġrat jinsab l-Imġarr, Malta, u jikkonsisti minn żewġ tempji. It-tempju prinċipali jmur lura għall-fażi tal-Ġgantija (3600 – 3200 QK) u huwa magħruf għad-daħla u l-faċċata maestużi tiegħu.

Tagħrif dwar iż-żjarat bi gwida:

– Skorba: fil-11.30am (bil-Malti) u fit-3:00pm (bl-Ingliż)

– Tempji Ta’ Ħaġrat: fl-10.00am (bil-Malti) u fis-1.30pm (bl-Ingliż).

Ħinijiet tal-ftuħ: mid-9.00am sal-5.00pm (l-aħħar dħul fl-4.30pm)

Dħul bla ħlas fiż-żewġ siti.

Għal aktar informazzjoni, żur is-sit ta’ Heritage Malta fuq www.heritagemalta.org

 

Aħbarijiet Oħra
Attivita'

It-tielet edizzjoni tal-Gozo Film Festival ser tiġi organizzata mill-Gozo Film Club bis-sostenn tal-Ministeru għal Għawdex u l-Malta Film Commission. Il-Gozo Film Festival se jsir bejn il-Ġimgħa t-23t’Awwissu u l-Ħadd 25 ta’ Awwissu….

Mużika

Il-Big Friends Guggen Musik Band bejn is-26 ta’ Awwissu u l-1 ta’ Settembru ser tkun Leni fi Sqallija, fejn ser tesegwixxi mużika Maltija u għal darb’ oħra tkun ta’ ambaxxatriċi…

Attivita'

NnG Promotions has announced three big local names to perform in Malta’s annual staple Joseph Calleja concert next week. Malta’s best selling pop music artist Ira Losco who has recently released her 6th…

Mużika

L-Għaqda Korali u Orkestrali Maria Bambina A.D.1947 tal-Mellieħa se tkun qiegħda żżomm l-appuntament tagħha billi ttella’ l-kunċert annwali fl-okkażjoni tal-festa ta’ Marija Bambina nhar il-Ħadd 1 ta’ Settembru fit-20.15 fil-pjazza…

Aktar