Attivita'
Ċans li tqatta’ lejl mhux tas-soltu f’Għar Dalam

Il-festa popolari u tradizzjonali tal-Imnarja hija spiss assoċċjata ma’ lejl taħt il-kwiekeb fil-Ġonna tal-Buskett. Din id-darba, nhar il-Ġimgħa 28 ta’ Ġunju, Heritage Malta qed tistiednek tqatta’ l-lejl tal-festa ta’ San Pietru u San Pawl ġewwa s-sit preistoriku ta’ Għar Dalam f’Birżebbuġa fejn tista’ wkoll tipparteċipa fi żjarat kurjużi ta’ siti arkeoloġiċi u storiċi li jinsabu fil-madwar, filwaqt li dduq ikel Malti.

Dan l-avveniment jista’ jitgawda mill-familja kollha u se jinkludi żjarat fis-siti ta’ Borġ in-Nadur, Għar Dalam, il-fdalijiet tal-villa Rumana magħrufa bħala Ta’ Kaċċatura, u kif ukoll Casa Ippolito.

Wara dawn iż-żjarat, il-parteċipanti jistgħu jagħżlu li jorqdu taħt l-istilel biswit Għar Dalam li hu l-aktar sit antik preistoriku li hawn f’Malta, inkella fil-mużew imdawwrin b’għadd ta’ għadam kbir ta’ annimali preistoriċi li ġew skavati proprju f’dan l-għar.

Il-parteċipanti għandhom jilbsu ħwejjeġ adattati u jġibu magħhom xi saqqu, sleeping bag jew tinda żgħira.

Biljetti: €30 adulti, €25 anzjani, studenti u tfal, €20 Membri ta’ Heritage Malta. Il-biljetti jistgħu jinxtraw mis-siti u l-mużewijiet kollha ta’ Heritage Malta, jew online.

Dan l-avveniment se jibda fis-7.00pm nhar il-Ġimgħa 28 ta’ Ġunju u jintemm bejn wieħed u ieħor fid-9.00am, is-Sibt 29 ta’ Ġunju.

Għal aktar tagħrif, żur is-sit www.heritagemalta.org

Aħbarijiet Oħra
Attivita'

Għal sena oħra, l-Għaqda tal-Malti qiegħda tikkollabora mad-Dipartiment tal-Malti fl-Università sabiex torganizza t-taħdita #tunattoga… u mbagħad? F’din it-taħdita se jipparteċipaw seba’ kelliema, ilkoll gradwati tal-Malti jew li segwew xi kors…

Attivita'

Għada f’Sibt il-Għid, fil-Birgu fid-9.00pm ser tinżamm tradizzjoni li ilha għaddejja għal aktar minn 100 sena; dik magħrufa bħala “Il-Begigga.” Din it-tradizzjoni kienet bdiet meta xi ħadd li kellu dak…

Attivita'

The Kummissjoni WEB, which is the media team within the Soċjetà Santa Marija u Banda Re Ġorġ V tal-Imqabba, during these last 3 weeks embarked on a project to organise…

Attivita'

100 trees have been donated by Mellieħa Local Councillor Ivan Catillo to NGO GHKNK and are set to be planted this Sunday in l-Aħrax tal -Mellieħa. The initiative forms part of…

Aktar