Mużika
Chiara f’kunċert tal-Milied f’Ħal Qormi

Għal sena oħra s-Soċjetà Filarmonika Pinto Banda San Sebastjan ser ittella’ l-kunċert annwali marbut maż-żminijiet tal-Milied li jġib it-titlu ‘U Paċi fl-Art’.

Dan il-kunċert jittella’ fil-Knisa ż-Żgħira ta’ San Sebastjan li tkun imlibssa bl-isbaħ armar għal dawn iż-żminijiet tal-Milied. Id-direzzjoni ta’ dan il-kunċert ser tkun f’idejn l-Assistent Surmast ta’ din is-Soċjetà Mro Roderick Bugeja.

Dan il-kunċert ser ikun l-impenn mużikali ta’ qabel tas-sena 2017 hekk kif l-aħħar impenn mużikali jkun dak tal-akkumpanjament tal-purċissjoni tal-bambin lejlet il-Milied.

Ta’ min isemmi li għal dan il-kunċert ser ikun hemm il-parteċipazzjoni tal-kantanta popolari Chiara li ser takkumpanja lill-banda bil-vuċi tant sabiħa tagħha. Ma tonqosx ukoll il-priedka tradizzjonali tat-Milied li twassal ir-rakkont tat-twelid tal-messija. Din ser issir minn Federica Agius u Thea Galea.

Dan kollu ser jittella nhar is-Sibt 23 ta’ Diċembru fis-7.30pm. Id-dħul għal dan il-kunċert ser ikun b’xejn. Il-President u l-Kumitat tas-Soċjetà Filarmonika Pinto jawgura Milied ħieni u sena mimlija risq u hena.

 

Aħbarijiet Oħra
Mużika

Malta International Organ Festival, this year being in its fifth edition, will be held from the 15th November till 7th December.  The festival is made up of 16 concerts in…

Mużika

The Gozo Youth Orchestra taħt it-tmexxija ta’ Mro. Joseph Grech b’kollaborazzjoni ma’ 7SPP u Festival Malta, għal darb’oħra qed ittella’ kunċert spettakolari Rock f’Dar tal-Mediterran għal Konferenzi fil-Belt Valletta. Il-kunċert…

Mużika

Il-Banda Ċittadina Leone (A.D. 1863), taħt id-direzzjoni tas-surmast direttur Colin Attard, se tippreżenta t-68 edizzjoni tal-kunċert mużikali annwali ‘Leone Band in Concert’ li jittella’ sabiex jikkommemora l-Proklamazzjoni tad-Domma tal-Assunta. L-ewwel…

Mużika

Teatru Unplugged is a unique event consisting of 5 short acts of diverse musical genres.  Founded by Jonathan Shaw and Nirvana Azzopardi in 1998, Teatru Unplugged is Malta’s longest annual standing…

Aktar