Mużika
Corazon se tniedi album ġdid “Għall-Bejgħ”

Il-kantawtriċi Corazon Mizzi se tniedi album ġdid ta’ kanzunetti tagħha bl-isem ‘Għall-Bejgħ’.

L-isem tal-album huwa spirat mit-titlu ta’ waħda mill-aktar kanzunetti importanti f’dan l-album, liema kanzunetta hija tkomplija tal-kanzunetta ‘Fid-Dar tan-Nanna’.

Dan l-album se jkun jinkludi 12-il kanzunetta oriġinali, kollha bil-Malti. Fost dawn se jkun hemm ‘Nistenniek’, li rebħet il-Premju għall-Aktar Kanzunetta Oriġinali fil-Festival l-Għanja tal-Poplu ta’ din is-sena,  u ‘X’Se Jsir’,li rebħet l-ewwel premju fil-Festival l-Għanja tal-Poplu 2016.

Kanzunetti oħra, li anke jekk sa issa qatt ma nstemgħu diġà qanqlu interess kbir, huma ‘Buġibba’ li tittratta dwar is-sjuf ta’ tfulitna f’Buġibba, ‘Il-Kliem Poeżija’ li tippersonifika l-lingwa Maltija li nkitbet u se tiġi interpretata f’kollaborazzjoni ma’ Paul Giordimaina u ‘Kif Tħobbni Int’ li hija kanzunetta ta’ mħabba fi dwett ma’ Neville Refalo. Ir-reġistrazzjoni tal-album sar kollu bi strumenti live mill-Orkestra Filarmonika Nazzjonali flimkien ma’ grupp ta’ mużiċisti oħra, fuq arranġamenti u direzzjoni ta’ Aurelio Belli.

Dan l-album se jitnieda b’kunċert live fis-Sala Sir Temi Zammit fl-Università ta’ Malta nhar il-11 u t-12 ta’ Jannar 2019. Għal aktar informazzjoni wieħed jista’ jibgħat email fuq Corazó[email protected]. Biljetti jinkisbu minn www.ticketline.com.mt.

 

Aħbarijiet Oħra
Mużika

Il-Big Friends Guggen Musik Band bejn is-26 ta’ Awwissu u l-1 ta’ Settembru ser tkun Leni fi Sqallija, fejn ser tesegwixxi mużika Maltija u għal darb’ oħra tkun ta’ ambaxxatriċi…

Mużika

L-Għaqda Korali u Orkestrali Maria Bambina A.D.1947 tal-Mellieħa se tkun qiegħda żżomm l-appuntament tagħha billi ttella’ l-kunċert annwali fl-okkażjoni tal-festa ta’ Marija Bambina nhar il-Ħadd 1 ta’ Settembru fit-20.15 fil-pjazza…

Mużika

Ftit qabel il-festa ta’ Santa Marija, grupp ta’ żgħażagħ minn Ħad-Dingli bl-isem “Żgħażagħ Brijużi Dinglin” nedew cd ġdid, taħt id-direzzjoni ta’ Mike Spiteri. Il-ħidma fuq dan il-proġett mużikali bdiet lejn…

Mużika

Wara s-suċċess li kisbet il-Gozo Youth Orchestra bil-preżentazzjoni tat-12-il edizzjoni tal-ispettaklu mużikali Opera vs Pop under the Stars fil-Bitħa tal-Ministeru għal Għawdex nhar it-Tnejn 29 ta’ Lulju, issa jmiss lil…

Aktar