Attivita'
Esebizzjoni tal-mużajk bit-tema tal-art u l-baħar

L-Għaqda Filantropika Talent Mosti qed ittella’ esebizzjoni tal-mużajk Of Land and Sea minn Raymond Aquilina u Flavia Marmara.

Raymond Aquilina u Flavia Marmarà huma żewġ kollegi u artisti appasjonati fl-arti tal-mużajk.

Raymond li huwa mwieled u trabba fil-qalba tar-Rabat, minn dejjem kien jaffaxina ruħu mix-xogħol tal-mużajk li hemm ġewwa l-Villa Rumana.  Waqt iż-zjarat frekwenti tiegħu kien jammira il-preċizjoni tas-sengħa u paċenzja kbira li jirrekjedi ix-xogħol tal-mużajk.

Flavia min-naħa tagħha bħala tifla kienet ta’ spiss tesperjenza l-proċess tal-arti mill-qrib, permezz ta’ ommha li kienet tkun frekwentament tiprattika l-arti tal-pittura id-dar.  Din l-esperjenza ħajritha biex minn età żgħira tibda tattendi klassijiet tal-arti li nisġu ġewwa fiha l-ispirtu artistiku u immaġinattiv.

Flavia u Raymond ilhom jipprattikaw l-arti tal-mużajk għal dawn l-aħħar tnejn u għoxrin sena wara li kienu attendew għall-kors tal-mużajk immexxi mill-Artist Alfred Briffa.  L-artisti jużaw diversi materjali biex joħolqu disinji u xogħlijiet oriġinali li joffru esperjenza rikka b’ diversi tekniki. Ix-xogħlijiet tagħhom huma ispirati primarjament minn natura u l-wirt kulturali ta’ diversi pajjiżi li jżuru.  Barra minnhekk, din l-esebizzjoni ma segħtatx tkun kompluta mingħajr l-esperjenza li kisbu ġewwa Ravenna l-Italja fejn attendew għall-kors tal-mużajk immexxi minn Luciana Notturni.

It-titlu ta’ din l-esebizzjoni huwa “OF LAND AND SEA”. Dan għaliex dawn iż-żewġ artisti iffukaw il-ħiliet taghhom biex ħolqu armonija bejn biċċiet diversi u kultant kuntrastanti mqgħeda ħdejn xulxin b’sengħa u paċenzja kbira biex iwasslu interpretazzjonijiet mill-isbaħ ta’ xeni prominenti li naraw fil-ħajja ta’ kuljum. Permezz ta’ din l-esebizzjoni, l-artisti jistiednu lil visitaturi biex mhux biss jesperjenzaw is-sbuħija tax-xogħol tagħhom, imma wkoll japprezzaw l-impenn qawwi ta’ siegħat twal ta’ xogħol li l-mużajk jirrekjedi.

L-esebizzjoni se ssir bejn is-6 u t-22 ta’ Ġunju fir-Razzett tal-Markiż Mallia Tabone fi Triq Wied il-Għasel il-Mosta. Il-ħinijiet tal-ftuħ huma mit-Tnejn -s-Sibt: mis-6pm sat-8pm u l-ħdud: mill-10am sa nofsinhar u mis-6pm sat-8pm.

Aħbarijiet Oħra
Attivita'

BirdLife Malta’s ornithologists and birders have been studying bird migration with the help of bird ringing and satellite tagging for many years. This is the way to learn about birds,…

Attivita'

The Chinese Moon Festival is China’s second most important traditional celebration and is determined by astronomical observations of the sun’s longitude and the moon’s phases. Owing to the moon’s symbolic…

Attivita'

L-artist żagħżugħ Belti Owen Leuellen se jkun parti minn rappreżentazzjoni live ġewwa Pjazza Mattia Preti fil-Belt Valletta (in-naħa ta’ Marsamxett) nhar it-Tnejn 16 ta’ Settembru. Din l-attività, li hija bla…

Attivita'

Gather your friends and join the party on Friday, 13th, Saturday 14th and Sunday 15th September, at the Marsa Sports Grounds. Guest DJ’s include Pierre Cordina, Kurt Ziggy, Alex Grech,…

Aktar