Attivita'
Esibizzjoni dwar stejjer ta’ ħaddiema Filippini

L-esibizzjoni interattiva ta’ arti viżiva ta’ Valletta 2018, Djar Eżiljati (Exiled Homes), hi proġett antropoloġiku u artistiku li jesplora u jaqsam stejjer ta’ ħaddiema Filippini li jaħdmu u jgħixu fi djar Maltin biex jieħdu ħsieb persuni anzjani. Din l-esibizzjoni se tiftaħ il-bibien tagħha għall-pubbliku fl-20 ta’ Ġunju fit-8pm, fiċ-Ċentru ‘Mill’ għall-Arti, Kultura u Krafts f’Birkirkara.

L-esibizzjoni tinkludi x-xogħol tal-artisti Aglaia Haritz u Abdelaziz Zerrou, kif ukoll ta’ ħmistax-il mara Filippina. Il-proġett Djar Eżiljati ġie mwettaq fi tlett fażijiet. Waqt l-ewwel fażi saret riċerka mill-antropologa Gisella Orsini, filwaqt li fit-tieni fażi l-artisti Aglaia Haritz u Abdelaziz Zerrou għamlu serje ta’ laqgħat ta’ diskussjoni flimkien man-nisa Filippini. It-tielet fażi hi l-esibizzjoni nnifisha, bir-riċerka u l-kreazzjonijiet li nħolqu minnha jiġu esibiti għall-pubbliku.

L-esibizzjoni Djar Eżiljati se tkun miftuħa għall-pubbliku bejn l-20 ta’ Ġunju u t-13 ta’ Lulju 2018, kull nhar ta’ Tnejn, nhar t’Erbgħa u nhar ta’ Ġimgħa bejn il-5pm u s-7pm, u kull nhar ta’ Sibt mill-4.30pm sat-8.30pm.

Aħbarijiet Oħra
Attivita'

Biex tfakkar is-solstizju tas-sajf, Heritage Malta għal darb’oħra se torganizza żjajjar bi gwida fit-Tempji ta’ Ħaġar Qim u l-Imnajdra nhar il-Ħamis 21 u l-Ġimgħa 22 ta’ Ġunju fi tlugħ ix-xemx,…

Attivita'

Għada se ssir attività mill-korpi dixxiplinati biex jinħoloq aktar għarfien fuq in-numru tal-emerġenza 112. L-attivita’ se ssir għada mit-08:00-13:00hrs quddiem il-Parlament bis-sehem tal-Korp tal-Pulizija, id-Dipartiment tal-Protezzjoni Ċivili u l-Forzi Armati…

Attivita'

Is-Soċjetà Filarmonika Sliema flimkien mal-Patrijiet Franġiskani u l-Kummissjoni Festi Parroċċa Madonna tas-Sacro Cuor bil-kollaborazzjoni tal-Kunsill Lokali ta’ Tas-Sliema se ttella’ programm vokali u mużikali tal-festa fl-okkażjoni tal-100 sena mit-twaqqif tal-Parroċċa…

Attivita'

Il-Kunsill Lokali tas-Siġġiewi u LifeCycle Malta Foundation se jkunu qed jorganizzaw attività sportiva fl-okkażjoni tal-Festa ta’ San Nikola. Din se ssir it-Tlieta 19 ta’ Ġunju 2018 minn 6pm sa 8.30pm, bis-sehem tal-għaqdiet sportivi tas-Siġġiewi…

Aktar