Attivita'
Fortizza b’veduta mill-aqwa tal-Middle Sea Race

Nhar is-Sibt, 20 t’Ottubru, Heritage Malta qed tistieden lill-pubbliku biex igawdi minn esperjenza doppja fil-Forti Sant’Iermu, il-Belt Valletta.

Il-parteċipanti jistgħu jgawdu l-vantaġġ tal-pożizzjoni dominanti tas-swar tal-forti ħalli jsegwu t-tluq tad-dgħajjes tal-Middle Sea Race minn ġewwa l-Port il-Kbir fil-Belt. Barra minn hekk, dawn jistgħu jibbenefikaw ukoll minn żjara madwar il-forti flimkien mal-kuratur tas-sit. Riċeviment żgħir se jkun servut waqt dan l-avveniment.

Iż-żjara fil-Forti Sant’Iermu se tiffoka fuq l-Istorja tas-sit relatata mal-pożizzjoni strateġika tiegħu, partikolarment bħala gwardjan taż-żewġ portijiet prinċipali ta’ Malta.

Post u ħin: Quddiem id-daħla ta’ Forti Sant’Iermu fid-9:00am.

BILJETTI: Adulti €10. Anzjani/studenti/tfal/membri ta’ Heritage Malta €8. Il-biljetti jistgħu jinxtraw mis-siti u l-mużewijiet kollha ta’ Heritage Malta, kif ukoll online.

Il-biljetti għal din l-attività huma limitati. Għal aktar informazzjoni, ċempel 2395 4242 (matul il-ħinijiet tal-uffiċċju).

Aktar informazzjoni tista’ tinkiseb mis-sit ta’ Heritage Malta www.heritagemalta.org

Aħbarijiet Oħra
Attivita'

It-taħdita li se ssir nhar il-Ġimgħa, 26 t’April, fil-Mużew Nazzjonali tal-Istorja Naturali fl-Imdina, se jkompli mat-tema li ġiet introdotta x-xahar li għadda – dwar speċi aljeni u invażivi. Filwaqt li…

Attivita'

Fl-okkażjoni tal-175 sena minn meta l-Furjana saret Parroċċa kif ukoll il-100 sena mit-twelid tal-artist il-Prof. Emvin Cremona il-parroċċa San Publju b’kollaborazzjoni mal-Assoċjazzjoni Publju ta’ Malta ser jorganizzaw akkademja mużiko-letterarja biex…

Attivita'

Il-festa ta’ San Girgor hija avveniment tradizzjonali poplari ħafna mal-Maltin u li ilu jsir mill-1500. Din il-festa tiġi ċċelebrata fl-ewwel Erbgħa wara l-Għid u fil-bidu kienet tikkonsisti f’pelegrinaġġ minn konfaternitajiet…

Attivita'

Il-Kunsill Lokali ta’ Ħal Għaxaq, flimkien maż-żewġ Għaqdiet Mużikali tal-lokal, ser ikun qed jorganizza ir-reba’ edizzjoni taċ-Cheese and Wine Festival fil-pjazza ewlenija ta’ Ħal Għaxaq nhar is-Sibt 27 ta’ April…

Aktar