Mużika
Għall-festa ta’ Santa Marija…inizjattiva mużikali minn grupp ta’ żgħażagħ Dinglin

Ftit qabel il-festa ta’ Santa Marija, grupp ta’ żgħażagħ minn Ħad-Dingli bl-isem “Żgħażagħ Brijużi Dinglin” nedew cd ġdid, taħt id-direzzjoni ta’ Mike Spiteri. Il-ħidma fuq dan il-proġett mużikali bdiet lejn l-aħħar tas-sena li għaddiet.

Ħad-Dingli hu wieħed mil-lokalitajiet f’Malta li jiċċelebra l-festa ta’ Santa Marija. F’dan ir-raħal, il-festa li tiġi ċċelebrata Ħadd fuq il-15 ta’ Awwissu, għalhekk din is-sena ser issir il-Ħadd 18 ta’ Awwissu.

L-iskop wara s-cd hu li l-mużika għall-briju fil-festa ta’ Santa Marija f’Ħad-Dingli, tkun waħda aktar moderna, oriġinali u rilevanti għall-festa, mill-marċi li jindaqqu f’diversi lokalitajiet madwar Malta u Għawdex. Għaldaqstant waħda mill-prioritajiet ta’ dan is-cd kien li jkun magħmul mid-Dinglin għad-Dinglin, b’talent lokali, u lirika rilevanti għar-raħal u l-festa.

Is-cd jinkludi 10 diski: 3 marċi tradizzjonali, 6 cover versions ta’ diski rinomati u diska oriġinali. Il-kanzunetta orġinali Ilkoll Madwarek, kantata minn Mike Spiteri, inkitbet minn David Vassallo u Duncan Caruana, u b’mużika ta’ Matthew Chapell. Il-kanzunetta tiffoka fuq l-imħabba li d-Dinglin għandhom lejn Santa Marija u l-għaqda li ġġib magħha l-festa.

Ipparteċipaw fil-produzzjoni ta’ din is-cd 16-il persuna minn Ħad-Dingli stess, inkluż dawk li kitbu l-lirika, mużika u anke li kantaw fic-cd. Il-qoxra tac-cd u anke l-filmat għal mad-diska oriġinali. Ilkoll Madwarek, ġew ddisinjati u maħduma minn żgħażagħ li wkoll huma attivi fil-komunità Dinglija.

Aħbarijiet Oħra
Mużika

Is-Soċjetà Filarmonika G. M.Fra Antoine De Paule Banda Kristu Re ser itella’ l- kunċert mużikali tagħha fl-10 ta’ Novembru fis-Sala Temi Zammit fl-Università ta’ Malta ifs 7 ta’ filgħaxija. Il-kunċert…

Mużika

It has been an amazing summer of outdoor concerts and live entertainment, in virtually every village on Gozo. It was fantastic to witness the best of Maltese and Gozitan talent…

Mużika

Bħala parti mill-attivitajiet mtella’ mis-Soċjeta’ San Pawl Banda Konti Ruggieru tar-Rabat biex tfakkar il-150 sena mit-twaqqif tagħha, nhar il-Ġimgħa 4 t’Ottubru 2019 se jittella’ programm vokali u strumentali taħt il-patrocinju tal-E.T. il-President…

Mużika

L-Orkestra Filarmonika ta’ Malta, b’kollaborazzjoni ma’ Festivals Malta u l-Kumitat Festi Nazzjonali, se jtellgħu l-kunċert tal-Indipendenza, b’xogħolijiet rinomati minn kompożituri Maltin u internazzjonali fi Pjazza Teatru Rjal, il-Belt. Il-protagonisti tal-kunċert…

Aktar