Mużika
Gloria! 20 sena ta’ armonija mużikali korali

St Paul Choral Society, wieħed mill-aqwa korijiet polifoniċi f’Malta, ser jippreżenta kunċert bil-kor, l-orgni u l-orkestra taht it-tmexxija ta’ Dr Hugo Agius Muscat.  Dan il-kunċert ser isir fl-għeluq il-20 anniversarju mit-twaqqif tal-kor.

Il-kunċert ser ikun maqsum fi tliet partijiet. L-ewwel parti tikkonsisti fil-Gloria ta A. Vivaldi (RV589). Fit-tieni parti ser jindaqqu il-Finale, mis-sonata Numru 1 in Fa minore għall-orgni ta’ F. Mendelssohn, kif ukoll il-Poco Adagio mis-sinfonija għall-orgni u orkestra ta’ C. Saint-Saëns. It-tielet parti tikkonsisti f’siltiet minn xogħlijiet li tkantaw mill-kor matul dawn l-aħħar 20 sena kemm f’kunċerti f’Malta kif ukoll f’kunċerti ta’ dan il-kor barra minn Malta.

Is-solisti għal dan il-kunċert ser ikunu Rosabelle Bianchi (soprano), Claire Massa (mezzosoprano), Connie Frances Zerafa (contralto), Elisabeth Conrad (orgni), James Zammit (leader tal-orkestra) u Hugo Agius Muscat (surmast).

Fid-19 ta’ Ottubru, il-kunċert se jsir fis-7.30pm fil-Konkatidral ta’ San Ġwann, il-Belt  b’risq il- Hospice Malta, u fl-20 ta’ Ottubru, fis-7.30pm fil-Pro-Katidral Anglikan ta’ San Pawl, il-Belt b’risq ir- restawr tal-istess Katidral.  Il-kunċert ser ikun ta’ madwar 90 minuta.

FLYER 20TH ANNIVERSARY CONCERTS

Aħbarijiet Oħra
Mużika

Il-Qtates ta’ max-Xatt huwa spettaklu maġiku għat-tfal li se jiftaħ il-programm ta’ Teatru Malta għall-2019 fit-23 u l-24 ta’ Frar bi sħubija ma’ Festivals Malta. Din il-produzzjoni hija adattament tal-ktieb…

Mużika

Rock ’N Malta are proud to present Pink Floyd’s founding member Nick Mason and his band Saucerful of Secrets live in concert on the 10th of July at St.George’s Square,…

Mużika

Iktar minn 40 drummer Belġjan u iktar minn 50 drummer Malti se jieħdu sehem fl-ewwel edizzjoni ta’ Drumfest li se jsir f’Malta. Il-festival jikkonsisti f’medley ta’ kanzunetti popolari li se…

Mużika

Il-kantant Taljan Gianni Morandi se jagħti kunċert f’Malta f’April li ġej.  Morandi se jkanta l-iktar kanzunetti li kiseb suċċess bihom f’kunċert ta’ sagħtejn li se jieħu lill-udjenza fi vjaġġ tul…

Aktar