Mużika
Il-Filarmonika L’Unione ta’ Ħal Luqa bi programm mużikali f’Palermo

Fuq stedina tal-Assemblea Regionale Siciliana u tal-Uffiċċju tal-President ta’ Malta, is-Soċjetà Filarmonika L’Unione ta’ Ħal Luqa ġiet mistiedna sabiex ittella’ programm mużikali fil-Palazz Normann li fih jiltaqa’ l-Parlament Reġjonali ta’ Sqallija ġewwa Palermo.

Dan il-kunċert qed isir bħala parti mill-programm uffiċjali fl-okkażjoni tal-Esebizzjoni Nazzjonali dwar il-kult ta’ Santa Rosalia, patruna tal-Belt ta’ Palermo.

Tajjeb insemmu illi Malta qed tieħu sehem ukoll f’din l-esebizzjoni permezz ta’ pittura mill-isbaħ tal-magħruf pittur ċelebri Mattia Preti. Din hi okkażjoni oħra sabiex tkompli tiġġedded il-ħbiberija u r-rabta storika, kulturali u patrimonjali bejn Malta u Sqallija.

Il-kontinġent Malti ser ikun qed iħalli pajjiżna nhar il-Ħamis 13 ta’ Diċembru u l-Banda ser tkun komposta minn madwar ħamsin mużiċista.

Aħbarijiet Oħra
Mużika

Il-Big Friends Guggen Musik Band bejn is-26 ta’ Awwissu u l-1 ta’ Settembru ser tkun Leni fi Sqallija, fejn ser tesegwixxi mużika Maltija u għal darb’ oħra tkun ta’ ambaxxatriċi…

Mużika

L-Għaqda Korali u Orkestrali Maria Bambina A.D.1947 tal-Mellieħa se tkun qiegħda żżomm l-appuntament tagħha billi ttella’ l-kunċert annwali fl-okkażjoni tal-festa ta’ Marija Bambina nhar il-Ħadd 1 ta’ Settembru fit-20.15 fil-pjazza…

Mużika

Ftit qabel il-festa ta’ Santa Marija, grupp ta’ żgħażagħ minn Ħad-Dingli bl-isem “Żgħażagħ Brijużi Dinglin” nedew cd ġdid, taħt id-direzzjoni ta’ Mike Spiteri. Il-ħidma fuq dan il-proġett mużikali bdiet lejn…

Mużika

Wara s-suċċess li kisbet il-Gozo Youth Orchestra bil-preżentazzjoni tat-12-il edizzjoni tal-ispettaklu mużikali Opera vs Pop under the Stars fil-Bitħa tal-Ministeru għal Għawdex nhar it-Tnejn 29 ta’ Lulju, issa jmiss lil…

Aktar