Attivitajiet Kulturali
Il-Kunċert Annwali tal-Milied fiż-Żejtun

Il-Kunsill Lokali taż-Żejtun se jtella’ l-Kunċert Annwali tal-Milied, nhar is-Sibt, 30 ta’ Diċembru, 2017, fit-8.00 p.m. fil-Knisja Parrokkjali ta’ Santa Katarina, iż-Żejtun, minn wieħed mill-aqwa korijiet gospel f’pajjiżna, Joy Gospel Singers.

Joy Gospel Singers hu magħmul minn grupp ta’ kantanti u mużiċisti professjonali, li jaqsmu bejniethom imħabba lejn il-kanzunetta li jkantaw. Ir-repertorju tagħhom hu vast, li jħaddan fih biċċiet mużikali spiritwali u ta’ qima.

Il-programm se jkun jinkludi minn mużika klassika, bħal Silent Night, għal kanzunetti aktar ferrieħa, bil-Malti u bl-Ingliż. Il-mużika se tkun adattabbli għal gost u l-pjaċir ta’ kull udjenza.

Matul il-kunċert f’ambjent addattat għal din l-okkażjoni fil-knisja barokka, xi wħud mill-membri tal-Grupp Letterarju taż-Żejtun se jkunu qed jaqraw poeżiji bit-tema soċjali u festiva. Bħal kull sena,  it-tfal tal-Parroċċa matul il-kunċert se jkunu qed jiffurmaw presepju ħaj. Barra minn hekk, matul il-kunċert se jingħata rikonoxximent, it-Trofew Carlo Diacono, lill-aqwa żewġ bandisti tas-sena, miż-żewġ għaqdiet ewlenin fiż-Żejtun.

Qabel il-kunċert tal-Milied, il-Kunsill Lokali taż-Żejtun bil-parteċipazzjoni tal-għaqdiet Żwieten u l-każini tal-banda, se jkun qed ifakkar l-220 sena anniversarju mill-għoti tat-titlu ta’ Città Beland liż-Żejtun mill-Granmastru Ferdinand von Hompesch, fit-30 ta’ Diċembru, 1797. It-tifkira simbolika se ssir f’Misraħ Karlu Diacono (il-Venda), iż-Żejtun, fis-7.30 p.m.

Id-dħul għal kunċert hu bla ħlas u miftuħ għal kulħadd. Dawk li jixtiequ jirriservaw il-post tagħhom jistgħu jċemplu fuq 2166 3866 jew jibgħatu email fuq [email protected]

Aħbarijiet Oħra
Attivitajiet Kulturali

Bejn il-25 ta’ Jannar u s-17 ta’ Frar se tittella’ s-7 edizzjoni tal-festival tal-arti u kultura Kristjana fir-Rabat (Malta), b’enfasi fuq il-kult Pawlin. Il-festival organizzat mill-Fondazzjoni Paulus jikkonsisti f’9 attivitajiet…

Attivitajiet Kulturali

L-Antartika huwa l-iksaħ kontinent, l-iżjed wieħed niexef u bl-ogħla elevazzjoni medja. Huwa wkoll il-kontinent li jinsab l-aktar l-isfel fin-naħa tan-nofsinhar tad-dinja. Peress li ż-żjarat huma ristretti, għalja u diffiċli, l-Antartika…

Attivitajiet Kulturali

Din l-attività ġiet posposta minħabba t-temp. Data oħra titħabbar iktar tard. Il-Ministru għal Għawdex Justyne Caruana nediet l-ewwel edizzjoni tal-attività Lejl Imkebbes li ser issr nhar is-Sibt, 3 ta’ Novembru…

Informazzjoni

Nhar il-Ħadd, 28 t’Ottubru, Heritage Malta qed tistieden lill-pubbliku biex igawdi attivitajiet varji li qed jiġu organizzati fis-sit arkeoloġiku ta’ San Pawl Milqi f’Burmarrad. Bosta mill-attivitajiet se jiffukaw fuq il-produzzjoni,…

Aktar