Attivitajiet Kulturali
Il-Kunsill tal-Mellieħa b’diversi attivitajiet għall-Milied

Il-Kunsill Lokali tal-Mellieħa se jtella’ The Mellieħa International Christmas Festival.

L-edizzjoni ta’ din is-sena se tibda s-Sibt 23 ta’ Diċembru fejn se jittella’ party għat-tfal fl-iskola Primarja tal-Mellieħa fejn se jkun hemm logħob, face painting, balloon modelling, sing-alongs u wkoll Father Christmas. Filgħaxija se jittella’ kunċert tal-Milied mill-Voca Gospel Choir and Band fil-Knisja Parrokkjali tal-Manikata.

Il-Ħadd 24 ta’ Diċembru filgħodu se tinżamm attività għall-anzjani ġewwa d-Dar il-Madonna tal-Mellieħa bil-parteċipazzjoni ta’ Benny u Tonia u The Future Voices Childrens Choir. Filghaxija is-Soċjetà tal-MUSEUM tal-Mellieħa se torganiżża l-purċissjoni tradizzjonali bil-Bambin, u wara l-Għaqda Mużikali Imperial se ttella’ kunċert tal-Milied. Wara l-kunċert se jkun hemm il-Quddiesa ta’ Nofs il-Lejl animata mill-Kor u Orkestra Maria Bambina.

Fis-27 u t-28 ta’ Diċembru, il-Mellieħa se toffri jumejn uniċi b’parati internazzjonali u wirjiet b’aktar minn 150 parteċipant, kif ukoll bil-parteċipazzjoni ta’ Father Christmas fit-toroq ewlenin tal-Mellieħa, fejn tispiċċa f’Misraħ iż-Żjara tal-Papa Ġwanni Pawlu II fis-27, u f’Misraħ il-Parroċċa fit-28 ta’ Diċembru. Il-parteċipanti Maltin jinkludu s-Società Filarmonica La Vittoria, The Big Friends Guggen Music Band, The Marsa Scouts Bagpipes and Drums u l-Wallace Bagpipes and, kif ukoll Artemocion Dance Studio u Valentine Dancers. Parteċipanti mill-Italia jinkludu l-Majorettes ta’ Casperia, l-Associazione Musicale V. Bellini – Citta di Calatabiano, I Carriddi Folk Group, I Fanfara Bersaglieri dell’Etna, il-Gruppo Sbandieratori u Musici Leoni Reali.

Ikel u xorb tipiku sinonimu ma’ dan iż-żmien tas-sena jkunu għall-bejgħ biex jitgawda mill-pubbliku. Kulħadd huwa mistieden jattendi għal din l-attività tal-Milied organizzata mill-Kunsill Lokali tal-Mellieħa. Id-dħul mingħajr ħlas.

Din l-attività hija mtellgħa b’kollaborazzjoni mad-Dipartiment għall-Gvern Lokali, l-Awtorità Maltija għat-Turimu, il-Fondazzjoni Valletta 2018, ir-Reġjun Tramuntana u The Malta Christma Festival.

Aħbarijiet Oħra
Attivitajiet Kulturali

Fl-isfond li l-Belt Valletta se tkun il-Belt Kapitali Ewropea l-Għaqda Festi Esterni San Duminku flimkien mal-NGO Valletta 450 Creative Hub se jorganizzaw żewġ attivitajiet. Waħda mill-attivitajiet hija wirja li tiċċelebra…

Attivitajiet Kulturali

Il-kuratur, l-osteoarcheologist ta’ Karolinska Instituet fl-Iżvezja, Ann Gustavvson se tagħti taħdita bit-tema The craniological collection of the Karolinska Institutet, Stockholm: history, pathologies and repatriation. Din il-kollezzjoni tal-kranju tmur lura bejn…

Attivitajiet Kulturali

L-Għaqda Mużikali San Leonardu se tniedi CD b’10 siltiet taħt id-direzzjoni mużikali tas-Surmast Direttur Daniel Vella, bis-sehem tal-Coro Bel Canto, it-Tenur Charles Vella Zarb, il-Baritonu Alfred Camilleri flimkien mal-kantanti Debbie…

Attivitajiet Kulturali

14-il-lokalità madwar Malta se jqattgħu 15-il ġurnata ta’ mużika waqt is-sitt edizzjoni tal-Valletta International Baroque Festival. Il-festival li se jsir bejn it-13 u s-27 ta’ Jannar se jitella’ mit-Teatru Manoel….

Aktar