Il-leġġendarju grupp reggae UB40 fl-Għaxaq Music Festival, 2020!

It-telqa tax-xitwa diġà bħal donnu għosfrot u bħal jinħass is-sajf joqrob hekk kif ilbieraħ tħabbar li l-grupp UB40 ser ikunu l-artisti internazzjonali mistiedna tal-edizzjoni ta’ din is-sena tal-Għaxaq Music Festival!

Din hi l-ewwel miġja fil-gżejjer tagħna ta’ dan il-grupp ikona mużikali veru propju. Grupp reggae t’oriġini multi-etnika li sawwar id-definizzjoni għal mużika reggae għal ġenerazzjoni sħiħa b’Ali Campbell u Astro bħala protagonisti. Ali u Astro ser ikunu akkumpanjati mal band ta’ tmien elementi li bla dubbju hi garanzija ta’ kwalità mużikali live li żgur tolqot il-gosti mużikali ta’ kull min jgħożż il-mużika vera!

Għaldaqstant is-Sibt 25 ta’ Lulju ġewwa l-Grawnds ta’ Ħal Għaxaq hu mistenni li għal drab’oħra jissorprendi b’lejla festiva oħra ta’ mużika straordinarja hekk kif seħħ bil-kunċert tas-sena li għaddiet mill-grupp indimentikabbli Smokie. Hu biss permezz tal-unjoni bejn il-vuċi leġġendarja ta’ Ali Campbell flimkien ma’ Astro li dawk kollha dilettanti ta’ mużika vera jkunu jistgħu joqorbu viċin għall-esperjenza tal-ħoss oriġinali ta’ dan il-grupp ta’ fama mondjali b’aktar minn 30 sena ta’ suċċessi, diski ta’ deheb u plantinum fl-ghola quċċata tal-klassifiċi u l-bejgħ t’aktar minn 70 miljun kopja tal-albums tagħhom.

UB40 b’dawk l-għeruq fondi fil-ġeneri mużikali reggae u ritmi rock hekk kif ħarġu mit-tlett albums fis-serje Labour of Love li daħlu fl-istorja tal-mużika dinija, żgur ser jissarfu f’atmosfera li tassew tpaxxi il-qalb ta’ kull wieħed hekk il-folla tiżfen taħt sema sajfi inċanat kwiekeb mar-ritmu tal-klassiċi puri bħal Kingston Town, Can’t help falling in Love, Cherry Oh Baby, u fuq kollox is-suċċess mondjali li kaxkar miegħu l-Ewropa u l-Amerika il-famuża Red Red Wine!

Kif jgħidu xejn ma jixjieħ aħjar mill-ifjen inbid! Forsi għall-eċċezzjoni ta’ mużika bla żmien!

L-Għaxaq Music Festival, 2020 jgawdi il-patroċinju prestiġjuż tal-Kunsill Malti tal-Arti.

Aħbarijiet Oħra
Informazzjoni

The significance of wellbeing has been brought into sharp focus by the Covid-19 pandemic prompting the Malta Foundation for the Wellbeing of Society to kickstart a monthly series of webinars…

Mużika

Il-kunċerti tħassru minħabba s-sitwazzjoni tal-Covid-19, iżda xi kantanti qed jagħżlu li jibqgħu jferrħu lill-pubbliku bil-mużika mid-dar. Ivan Grech tal-Wintermoods illejla se jkun qed jagħti kunċert minn fuq it-terazzin tad-dar tiegħu…

Attivita'

Għal sena oħra, l-Għaqda tal-Malti qiegħda tikkollabora mad-Dipartiment tal-Malti fl-Università sabiex torganizza t-taħdita #tunattoga… u mbagħad? F’din it-taħdita se jipparteċipaw seba’ kelliema, ilkoll gradwati tal-Malti jew li segwew xi kors…

Attivita'

Għada f’Sibt il-Għid, fil-Birgu fid-9.00pm ser tinżamm tradizzjoni li ilha għaddejja għal aktar minn 100 sena; dik magħrufa bħala “Il-Begigga.” Din it-tradizzjoni kienet bdiet meta xi ħadd li kellu dak…

Aktar