Teatru

Il-Lukandiera…kummiedja ta’ Carlo Goldoni

Il-Lukandiera hija waħda mill-kummiedji l-aktar magħrufa tad-drammaturgu Taljan Carlo Goldoni. Miktuba fl-1753, il-kummiedja tittratta fuq kif il-mara jirnexxielha twassal ir-raġel għal fejn trid hi u bil-manjieri tagħha u bil-kliem ħelu, faċli li r-raġel jiddgħajjef u jinġibed lejha.

Goldoni juri elementi tas-soċjetà li kien jgħix fiha speċjalment il-klassi tan-nobbli kemm dawk li wirtu n-nobbiltà kif ukoll dawk li xtrawha u kemm dawn jintilfu wara x-xinxilli biex jippruvaw jakkwistaw l-imħabba.

Tradotta minn Albert Marshall, din il-kummiedja se tittella’ fis-sala San Nikola, nhar is-Sibt 21 t’ Ottubru fis-7.30 pm u l-Ħadd 22 t’ Ottobru fis 6.00 pm. Jieħdu sehem Mario Camilleri, Lisa Farrugia, Sandro Vella, Patrick Tanti, Matthew Balzan, Lydia Portelli, Amanda Cachia Sammut u Frank Borg. Direzzjoni f’idejn Anthony Ellul bi produzzjoni ta’ 4Teenth Productions.

Għal aktar informazzjoni żuru l-paġna ta’ Facebook https://www.facebook.com/events/1503069613120664/?active_tab=about