Attivita'
Il-Malta Concert Orchestra b’kunċert ta’ mużika Taljana

Nhar is-Sibt 11 t’Awwissu fi Pjazza Teatru Rjal, il-Malta Concert Orchestra taħt id-direzzjoni tas-surmast Joe Brown se tella’ t-tieni edizzjoni tal-kunċert Notte Italiana.

Għal darba oħra dan il-kunċert ser ikun qiegħed jagħtina spirtu verament Taljan permezz ta’ wħud fost l-akbar suċċessi ta’ kull żmien. Mal-Malta Concert Orchestra ser jingħaqdu l-kantanti Alex Schembri, Neville Refalo, Georgina, Olivia Lewis u Nadia Vella li ser jinterpretaw l-aqwa kanzunetti ta’ Eros Ramazzoti, Rita Pavona, Laura Pausini, Mia Martini, Massimo Ranieri, Zucchero, I Pooh, Ricchi e Poveri u Ivana Spagna fost oħrajn.

Il-programm ippreparat jinkludi kanzunetti bħal Come saprei, Maledettea primavera, Vivo per lei, Per colpa di chi, Fatti mandare
dalla mamma, La solitudine, Con le mani u Sarà perchè ti amo.

Dan il-kunċert huwa ieħor minn lista ta’ attivitajiet li ttella’ l-Malta Concert Orchestra fejn tilħaq u tispira udjenzi minn kull strata tas-soċjetà permezz tal-kunċerti tagħha.

Il-Malta Concert Orchestra twaqqfet fl-2017 minn dik li kienet magħrufa bħala l-orkestra tal-PBS. Mużiċisti professjonali u semiprofessjonali
jingħaqdu flimkien, taħt id-direzzjoni tad-diretturi Paul Abela u Joe Brown, skont it-tip ta’ kunċert li jkun ser jittella’. Din is-sena l-MCO diġà ħadet sehem fil-Festival L-Għanja tal-Poplu Żgħażagħ fi Frar kif ukoll tellgħet it-tieni edizzjoni ta’ Suċċessi Maltin f’April li għadda. Aktar tard din is-sena ser tkun qed tieħu sehem f’kunċert bħala parti mill-Malta International Jazz Festival f’Lulju, L-Għanja tal-Poplu | Festival tal-Kanzunetta Maltija f’Settembru, A Night at the Musicals u Kunċert tal-Milied f’Diċembru.

Notte Italiana ser ikun taħt id-direzzjoni tas-surmast Joe Brown li kien ukoll responsabbli mill-arranġamenti mużikali ta’ dan il-kunċert.

Il-kunċert tal-11 ta’ Awwissu jibda fit-20:30pm. Għall-biljetti u aktar informazzjoni wieħed jista’ jżur is-sit www.pjazzateatrurjal.mt.

Aħbarijiet Oħra
Attivita'

Sa mill-1974, bi storja ta’ 45 sena, il-Kumpanija Teatrali Dumnikani Beltin dejjem ħadmet qatigħ biex ittella’ dramm tal-passjoni għall-jiem tal-Ġimgħa Mqaddsa. Dan id-dramm illum tista’ tgħid huwa sinonimu mal-ġranet tar-Randan…

Attivita'

Il-Festival Gaulitana jirritorna bejn it-8 ta’ Marzu u s-7 t’April 2019, b’edizzjoni li ser tkun marbuta mat-tema “Il-Mara fis-Soċjetà”. Il-festival ħa spunt mill-Manon Lescaut (l-opra magħżula għal din is-sena) u…

Attivita'

Il-‘katavru’ ta’ aristokratiku Ruman ġie espost għall-pubbliku f’parti prominenti tad-Domus Romana, ir-Rabat, Malta. Il-funeral li se jsir nhar il-Ħadd li ġej, 17 ta’ Frar, se jitlaq mid-Domus u jipproċedi lejn…

Attivita'

A Meow hall, where you can meet impressive breeds and new rare breeds (the Japanese Bobtail, Kurlian Bobtail, Russian Blue & Don Sphynx) and hear owners talk about their breeds.  Two days of…

Aktar