Attivita'
Il-parata militari storika tal-In Guardia fil-Forti Sant’Anġlu

Il-viżitaturi li se jżuru l-Forti Sant’Anġlu se jkollhom l-opportunità wkoll li jattendu għall-parata militari storika tal-In Guardia.

Din il-parata se ssir fil-fortizza li tinsab fil-ponta tal-Birgu nhar il-Ħadd li ġej, fit-3 ta’ Ġunju, 17 ta’ Ġunju u 24 ta’ Ġunju. Wara l-waqfa tas-Sajf, rappreżentazzjoni oħra fil-Forti Sant’Anġlu se ssir nhar il-Ħadd 21 t’Ottubru.

Matul il-parata, re-enactors tal-Awtorità Maltija tat-Turiżmu (MTA) jilbsu lbies tal-epoka. Wara li jinqraw l-Ordnijiet tal-Ġurnata u titbierek mill-Kappillan tal-Forti l-bandiera tar-Reliġjon magħrufa bħala l-Gonfalon, il-Gran Balí jagħmel l-ispezzjoni. Wara l-istakkamenti kollha, tal-lanez, l-arkibuġieri u l-allabardieri jagħmlu l-eżerċizzju militari tagħhom. Il-banda l-ħin kollu takkumpanja d-diversi wirjiet tas-suldati. Attrazzjonijiet oħrajn fl-In Guardia huma l-Armaiolo u l-kanun magħruf bħala l-Colverino. Lejn l-aħħar tal-parata, l-uffiċjali jagħtu ġieh lil San Ġwann Battista patrun tal-Ordni tal-Kavallieri ta’ San Ġwann, lil Sant’Anġlu u lil Gran Balí.

Forti Sant’Anġlu jiddomina l-ponta tal-Birgu u minħabba l-pożizzjoni strateġika tiegħu dejjem kellu importanza fl-istorja ta’ pajjiżna. Bla dubju grazzi għas-sehem tiegħu matul is-snin fl-istorja ta’ Malta, Forti Sant’Anġlu joffri esperjenza memorabbli.

Il-parata militari storika tal-In Guardia se ssir fil-Parade Ground fiċ-ċentru ta’ Forti Sant’Anġlu. Il-parata tibda fil-11.00am u ddum madwar 50 minuta.

Il-biljetti, kemm għall-forti kif ukoll għall-In Guardia, jinkisbu mill-mużewijiet u siti kollha ta’ Heritage Malta għall-prezz ta’ €15 għall-adulti, €12 għall-anzjani u student, u €7 għat-tfal.

Forti Sant’Anġlu jiftaħ mid-9.00am sas-6.00pm, bl-aħħar dħul isir fil-5.30pm. Għal iktar tagħrif dwar Heritage Malta żuru l-website, http://www.heritagemalta.org

Aħbarijiet Oħra
Attivita'

Fis-Sala Kappella tal-Mirakli fil-Ġnien tal-Mirakli, Ħal Lija se jsir il-festival taċ-ċitru. Hawnhekk se jkun hemm il-bejgħ tal-frott, ikel lokali u inernazzjonali kif ukoll bejgħ tal-prodotti tal-għasel. Il-festival se jsir fl-20…

Attivita'

Skont il-Kummissjoni Għolja tal-Ġnus Magħquda għar-Refuġjati, illum 13.1 miljun persuna fis-Sirja għandhom bżonn għajnuna umanitarja – dan minħabba 8 snin ta’ gwerra ċivili krudili u persekuzzjoni kontra l-Kristjani li ġarrbu…

Attivita'

Amigos huwa grupp magħmul minn żgħażagħ, li jwettqu xogħol volontarju u jagħmel parti mis-Segretarjat Missjonijiet Agostinjan. Ta’ kull sena jwettqu xogħol missjunarju, ‘il barra minn xtutna. Din is-sena jagħlqu 25…

Attivita'

Taħt id-direzzjoni tas-Surmast Etienne Spiteri, il-Banda San Ġiljan se ttella’ kunċert mużikali bl-isem Music from Vienna, li jikkonsisti minn repertorju esiġenti u magħruf tal-kompożitur Awstrijakk Johann Strauss Jr, li żgur…

Aktar