Attivitajiet Kulturali
Il-parata tal-Forzi Armati ta’ Malta fl-okkażjoni ta’ Jum ir-Repubblika

Titfakkar Jum ir-Repubblika b’Parata f’Misraħ San Ġorġ, fil-Belt Valletta.

Din l-attività, organizzata mill-Kumitat Festi Nazzjonali fi ħdan Festivals Malta, tibda fl-10:00am. Se jkun hemm ukoll marċ mill-banda u l-kontinġenti tal-Forzi Armati ta’ Malta li jibda fid-9:30am minn Misraħ il-Ħelsien, quddiem il-bini tal-Parlament.

Din is-sena, waqt iċ-ċerimonja militari se jkun hemm il-parata magħrufa aħjar bħala ‘Trooping the Presidential Colour’. Din il-parata tmur lura għal meta l-kuluri tar-reġiment kienu jipprovdu punt ta’ riferiment fejn jiltaqgħu t-truppi fuq kamp ta’ battalja. Dan kien importanti waqt gwerra, għax mingħajr il-mezzi ta’ komunikazzjoni moderni, kien faċli li t-truppi jiddiżorjentaw ruħhom u jinqatgħu mill-kumplament tal-unità. Biex it-truppi jkunu jafu kif jidhru l-kuluri tar-reġiment kienu jesebixxuhom ta’ spiss.

Il-mod li kienu jużaw biex jesibixxu l-kuluri kien li jimmarċjaw bil-mod tul l-istakkamenti tat-truppi bil-għan li jħallu impatt fuq il-memorja tas-suldati, biex jibqgħu jiftakruhom matul il-battalja u jkunu jafu fejn hu posthom u fejn iridu jiltaqgħu. Minn hawn oriġinat il-kelma trooping.

F’din l-okkażjoni, nhar it-13 ta’ Diċembru, il-Forzi Armati ta’ Malta se jfakkru Jum ir-Repubblika bit-trooping tal-Kulur Presidenzjali, ippreżentat mill-President Marie-Louise Coleiro Preca lill-Forzi Armati ta’ Malta fl-2014, u li jissimbolizza l-lealtà u d-devozzjoni tal-Forzi Armati lejn il-Kap tal-Istat u l-poplu Malti.

Bħala parti miċ-ċelebrazzjonijiet ta’ Jum ir-Repubblika, il-Kumitat Festi Nazzjonali se jorganizza wkoll żewġ programmi ta’ marċi fit-toroq ewlenin tal-Belt Valletta. Nhar it-Tlieta 12 ta’ Diċembru se jsir marċ mill-banda Duke of Connaught’s Own Band ta’ Birkirkara fis-6pm. Filwaqt li, nhar Jum ir-Repubblika, is-Soċjetà Filarmonika tal-Belt Valletta se tieħu sehem b’marċ li jibda fl-4:30pm minn ħdejn il-bini tal-Parlament, Misraħ il-Ħelsien, il-Belt Valletta.

 

Aħbarijiet Oħra
Attivitajiet Kulturali

Heritage Malta qed toffri opportunità mhux tas-soltu lill-pubbliku li jesplora l-fortifikazzjonijiet li jdawwru l-Port il-Kbir u l-madwar minn fuq il-baħar. Din l-attività, li se ssir nhar il-Ħadd 22 ta’ Lulju,…

Attivitajiet Kulturali

Malta Calls, party uniku organizzat minn Valletta 2018 u ŻfinMalta, se jsir nhar il-Ġimgħa 20 ta’ Lulju mit-8pm ‘il quddiem fil-Grounds tal-Iskola Sekondarja tal-Kulleġġ ta’ Santa Klara (ex Sir Adrian…

Attivitajiet Kulturali

L-aħħar serata qabel waqfa tul is-Sajf mis-sensiela mużiko-letterarja, ‘Iljieli fit-Teatru’, se tkun qegħda ssir nhar it-Tnejn 4 ta’ Ġunju, 2018, fil-Green Room ta’ Pjazza Teatru Rjal, il-Belt Valletta. Tul din…

Attivitajiet Kulturali

Heritage Malta se torganizza attività dwar misteri u stejjer sopranaturali marbuta mal-Forti Sant’Anġlu.  Minbarra li huwa ġawhra fl-istorja kulturali ta’ Malta, dan il-forti għandu ħafna misteri u leġġendi marbuta mal-istorja…

Aktar