Attivita'
Imħajjar titgħallem kif tagħmel l-inbid?

Il-Kunsill Lokali taż-Żejtun flimkien mal-Għaqda Għassara tal-Inbid se jkunu qed jorganizzaw kors ‘Kif Tagħmel l-Inbid?’. Dan il-kors bażiku bla ħlas se jkun qed isir fuq tliet darbiet it-Tnejn 21, 28 ta’ Mejju u 4 ta’ Ġunju, 2018 bejn is-6:00 p.m. u s-7:30 p.m. fis-Sala tal-Kunsill Lokali taż-Żejtun, Triq Sant’ Anġlu, iż-Żejtun.

Matul dawn it-tliet laqgħat dawk li se jattendu se jkunu qed jitgħallmu dwar l-apparat u l-ingredjenti li għandek bżonn biex tagħmel l-inbid; Kif tagħraf għeneb tajjeb għall-għasir; Il-ħmira naturali mqabbla mal-ħmira tal-pakkett; L-istadji differenti tal-proċess biex tagħmel l-inbid: it-tagħsir tal-għeneb, għaliex l-inbid ma jibqax ibaqbaq, u għaliex tagħmel it-taqlib (racking);L-importanza tal-indafa; L-użu tal-idrometru; Kif taħżen l-inbid, kif jimmatura u kif jiġi bbottiljat.

Il-kors hu miftuħ għal kulħadd minn Malta kollha. Dan il-kors huwa miftuħ ukoll għal dawk li qatt m’għamlu inbid u jixtiequ jkunu jafu l-proċess kif isir.

Bħala rikonoxximent se jkun qed jingħata ċertifikat ta’ attendenza lil dawk li jkunu attendew it-tliet ġranet li huma tal-kors.

Il-postijiet huma limitati. Għaldaqstant biex tirreġistra għal dan il-kors ċempel fuq 99 203 815 jew 21 663 866 jew ibgħat posta elettronika fuq [email protected] sa mhux aktar tard mis-Sibt, 19 ta’ Mejju, 2018.

Il-Kunsill Lokali taż-Żejtun se jkun qed jorganizza wkoll kompetizzjoni tal-inbid f’tliet kategoriji: inbid abjad, aħmar, u rosè, il-Ħamis 5 ta’ Lulju, 2018. Kull parteċipazzjoni hi bla ħlas.

Aħbarijiet Oħra
Attivita'

Heritage Malta tħabbar li ser jerġa jibda l-programm popolari tas-sajf tal-Passaport tal-Istudenti biex tkompli tiżdied l-aċċessibiltà għall-wirt kulturali. Dan il-Programm li jara l-bidu tiegħu nhar it-Tlieta, 21 ta’ Lulju 2020…

Attivita'

Għal sena oħra, l-Għaqda tal-Malti qiegħda tikkollabora mad-Dipartiment tal-Malti fl-Università sabiex torganizza t-taħdita #tunattoga… u mbagħad? F’din it-taħdita se jipparteċipaw seba’ kelliema, ilkoll gradwati tal-Malti jew li segwew xi kors…

Attivita'

Għada f’Sibt il-Għid, fil-Birgu fid-9.00pm ser tinżamm tradizzjoni li ilha għaddejja għal aktar minn 100 sena; dik magħrufa bħala “Il-Begigga.” Din it-tradizzjoni kienet bdiet meta xi ħadd li kellu dak…

Attivita'

The Kummissjoni WEB, which is the media team within the Soċjetà Santa Marija u Banda Re Ġorġ V tal-Imqabba, during these last 3 weeks embarked on a project to organise…

Aktar