Attivita'
Jinfetħu l-applikazzjonijiet għal Miss Malta 2020

Il-konkors tas-sbuħija Miss Malta ser jiċċelebra l-55 sena minn meta twaqqaf l-ewwel darba. Għal-ewwel darba, l-organiżazzjoni tal-konkors Miss Malta 2020 ser tiġi fdata f’idejn is-Sur Kersten Borg. Is-Sur Borg aċċetta din il-proposta b’impenn totali u l-ippjanar kollu ta’ Miss Malta.

B’hekk l-applikazzjonijiet bħalissa jinsabu miftuħa għal dawk it-tfajliet li jixtiequ jieħdu sehem u eventwalment jirrapreżentaw lil Malta f’dan il-konkors tas-sbuħija prestiġjuż. Sabiex it-tfajliet jakkwistaw l-applikazzjoni jeħtieġ li jibgħatu email fuq [email protected]

Għal dawk li ser jimlew l-applikazzjoni, aktar tard ser ikunu kkuntattjati mill-organiżazzjoni ta’ Miss Malta stess sabiex tkun ippjanata intervista u audition.

Miss Malta ser tkun qed tagħti opportunita esklussiva sabiex tliet parteċipanti rebbieħa jieħdu sehem f’konkors tas-sbuħija f’pajjiż barra minn Malta. Dawn ser ikunu r-rebbieħa finali tal-Miss Malta, Miss Republic of Malta u Miss Tourism of Malta.

L-avveniment kollu ser ikun organiżżat u mtellgħa minn Borg Promotions. It-titlu ta’ Miss Malta preżenti : Alexia Pauline Tabone.

Miss Malta 2020 ser tiġi mtellgħa bejn l-aħħar ta’ Jannar u bidu ta’ Frar tas-sena d-dieħla u tkun mxandra live fuq wieħed mill-istazzjonjiet tat-televiżjoni lokali, kif ukoll fuq il-paġna uffiċċjali ta’ Miss Malta fuq Facebook.

It-tliet rebbieħa jkunu mħabbra f’din is-serata finali – Miss Malta, Miss Republic of Malta, Miss Tourism of Malta.

Ritratt: Clint Scerri Harkins

Aħbarijiet Oħra
Attivita'

Il-Festival Nazzjonali tal-Ktieb 2019, l-aktar ċelebrazzjoni tal-ktieb importanti fis-sena, se jiftaħ għall-pubbliku nhar l-Erbgħa 6 ta’ Novembru b’konferenza dwar il-letteratura tal-fantaxjenza bl-isem ‘Strange New Worlds’. Il-konferenza se tkun organizzata mill-Kunsill…

Attivita'

Wara 100 sena minn twelidu, il-Belt Valletta se tħaddan fiha l-kommemorazzjoni ta’ wieħed minn uliedha; l-artist Esprit Barthet. Mwieled il-Belt fis-6 t’Ottubru 1919, Barthet għadu rikonoxxut bħala wieħed mill-aqwa artisti…

Attivita'

Jingħad li ż-żfin huwa l-lingwa tal-qalb u tar-ruħ. Il-bnedmin jiżfnu għal diversi raġunijiet – biex jagħtu gost, biex jiċċelebraw, biex jipprovokaw, biex jitfejjqu, biex juru ħilithom….. Imma l-moviment kif jieħu…

Aktar