Mużika
Jitħabbru d-dettalji għall-festival ta’ L-Għanja tal-Poplu 2018

It-42 edizzjoni ta’ L-Għanja tal-Poplu – Festival tal-Kanzunetta Maltija ser jittella’ fl-1 ta’ Settembru 2018. Dan hu festival ta’ kanzunetti oriġinali bil-Malti akkumpanjat minn mużika live.

Dan il-festival joffri l-libertà lill-awturi u l-kompożituri li jiktbu u jikkomponu kanzunetti b’suġġett u stil mużikali li jixtiequ huma. Il-Malta Concert Orchestra ser tkun qed takkumpanja l-kanzunetti. Gruppi mużikali u kantawturi jistgħu wkoll jakkumpanjaw il-kanzunetta tagħhom stess.

L-għażla tal-kanzunetti finalisti se tiżvolġi fi tliet fażijiet: l-ewwel fażi tal-għażla, li fiha mill-kanzunetti kollha sottomessi jintgħażlu l-aħjar 40 kanzunetta; it-tieni fażi tal-għażla, li fiha jitkantaw l-40 kanzunetta quddiem ġurija oħra, u minnhom jintgħażlu l-kanzunetti finalisti; u il-fażi finali fl-1 ta’ Settembru 2018, fejn jitħabbru r-rebbieħa. Fil-fażi finali ser tattendi ġurija popolari u ġurija esperta. Il-ġurija popolari ser tingħata importanza daqs il-ġurija esperta.

Il-kanzunetti jintlaqgħu nhar it-Tlieta 22 ta’ Mejju 2018. Ir-regolamenti u l-formola tal-applikazzjoni jinsabu fil-paġna ghanjafest.com .

L-Għanja tal-Poplu – Festival tal-kanzunetta Maltija huwa organizzat mill-kumitat L-Għanja tal-Poplu flimkien ma’ Pjazza Teatru Rjal u b’kollaborazzjoni mal-Akkademja tal-Malti. Il-Malta Concert Orchestra ser tkun qed tagħti s-sehem tagħha f’dan il-festival b’ħidma id f’id mal-kompożituri tal-kanzunetti finalisti. L-Għanja tal-Poplu hija mgħejjuna mill-Kunsill Malti għall-Arti – Cultural Parnership Agreement.

Aħbarijiet Oħra
Mużika

Maltese tenor Nico Darmanin will be holding his first-ever big band swing concert in Malta next February – just in time for Malta’s swing-music lovers to enjoy a truly unforgettable…

Mużika

Imħabbra d-dati għall-Beland Music Festival 2019, li issa dieħel fit-tmien edizzjoni tiegħu biex sar wieħed mill-aktar popolari mal-poplu Malti fost il-kalendarju ta’ avvenimenti mużikali stabbiliti fuq bażi nazzjonali. Bejn it-3…

Mużika

Matul is-sena 2019, l-Għaqda Mużikali Sant’Elena ta’ Birkirkara qed tħejji programm speċjali ta’ attivitajiet sabiex jitfakkar dan l-anniversarju speċjali u importanti, tal-għaqda li twaqqfet fl-1919. Proprju għada s-Sibt 5 ta’…

Mużika

Gaulitana: A Festival of Music will present the concluding concert of the Miriam Gauci Vocal Master Class on the 6th of January, 2019 at 19:00hrs at the Ministry for Gozo…

Aktar