Karnival fil-Marina ta’ Ta’ Xbiex

Għas-7 sena konsekuttiva qed titella l-edizzjoni ta’ Karnival fil-Marina mill-Kunsill Lokali ta’ Ta’ Xbiex.

Karnival b’differenza li huwa mfittex minn bosta familji għall-atmosfera li joħloq. Din is-sena, dan l-avveniment se jkun wieħed akbar minn qatt qabel, hekk kif se jkun qed joffri spettaklu minn żeffiena Brażiljani, il-pajjiż li tant huwa magħruf għas-zfin tal-Karnival b’mod speċjali f’Rio Di Janeiro.

Dawk preżenti se jkunu jistgħu jsegwu dan l-ispettaklu mingħajr ebda ħlas. Għal din l-attività, se tkun qed titella wkoll kompetizzjoni tal-kostumi li se tkun qed titmexxa mill-preżentatur lokali, Ivan Gaffiero. Bħal snin oħra se jkunu hemm spettaklu minn numru ta’ kumpaniji tas-zfin, bosta kantanti, maskaruni, maskri grotteski, żona għat-tfal, ikel u xorb u sorpiriżi oħra.

Għal din l-edizzjoni ta’ Karnival fil-Marina se jkun hemm numru ta’ siġġijiet għall-pubbliku biex ipoġġi bilqiegħda u jsegwi l-ispettaklu. Dan se jkunu qed jittieħdu fuq bażi ta’ ‘first come first served’.

Is-Sindku ta’ Ta’ Xbiex Max Zammit stqarr li dan il-karnival sar sinonimu kemm mar-residenti ta’ Ta’ Xbiex, kif ukoll mar-residenti tal-lokal tal-madwar, li lil’hinn mill-ispettaklu mill-isbaħ tal-Belt Valletta, jieħdu pjaċir igawdu minn attività ohra b’differenza fil-viċinanzi tagħhom u għaldaqstant żied jgħid li se jkompli jaħdem flimkien mal-Kunsill sabiex din it-tradizzjoni li bdiet reċentement titkompla u tissaħħaħ.

Il-Karnival fil-Marina se jkun qed jitella nhar il-Ħamis 20 ta’ Frar 2020 bejn is-6pm u d-9pm fil-parkeġġ tal-jott marina ta’ Ta’ Xbiex.

Aħbarijiet Oħra
Informazzjoni

The significance of wellbeing has been brought into sharp focus by the Covid-19 pandemic prompting the Malta Foundation for the Wellbeing of Society to kickstart a monthly series of webinars…

Mużika

Il-kunċerti tħassru minħabba s-sitwazzjoni tal-Covid-19, iżda xi kantanti qed jagħżlu li jibqgħu jferrħu lill-pubbliku bil-mużika mid-dar. Ivan Grech tal-Wintermoods illejla se jkun qed jagħti kunċert minn fuq it-terazzin tad-dar tiegħu…

Attivita'

Għal sena oħra, l-Għaqda tal-Malti qiegħda tikkollabora mad-Dipartiment tal-Malti fl-Università sabiex torganizza t-taħdita #tunattoga… u mbagħad? F’din it-taħdita se jipparteċipaw seba’ kelliema, ilkoll gradwati tal-Malti jew li segwew xi kors…

Attivita'

Għada f’Sibt il-Għid, fil-Birgu fid-9.00pm ser tinżamm tradizzjoni li ilha għaddejja għal aktar minn 100 sena; dik magħrufa bħala “Il-Begigga.” Din it-tradizzjoni kienet bdiet meta xi ħadd li kellu dak…

Aktar