Attivitajiet Kulturali
Kont taf li l-ewwel nies f’Malta waslu 700 sena qabel minn kif inhu maħsub?

Kont taf li skont riċerka ġdida kien skopert li l-ewwel abitanti f’Malta waslu 700 sena qabel minn kif inhu maħsub? U li l-gżejjer Maltin kienu maħkuma minn iktar minn ġens wieħed fiż-żmien Neolitiku? X’kien l-impatt tal-abitazzjoni fuq l-ambjent Malti? U l-eżistenza tal-ewwel abitanti f’Malta kienet sostenibbli? L-abitanti fil-perjodu preistoriku minn fejn ġew u kienu b’saħħithom?

Tweġibiet għal dawn il-mistoqsijiet u oħrajn ġew imwieġba fi proġett ta’ riċerka li dam sejjer ħames snin immexxi minn grupp internazzjonali ta’ xjentisti u arkeoloġisti minn Malta, il-Britannja u l-Irlanda. Ir-riċerka, Fragility and sustainability in restricted island environments: Adaptation, cultural change and collapse in prehistory, kienet iffinanzjata mill-Kunsill Ewropew għar-Riċerka. Ix-xjentisti u l-arkeoloġisti ħadmu flimkien biex janalizzaw it-tibdil ambjentali u l-effett tiegħu fuq il-popolazzjoni Maltija fil-perjodu preistoriku.

Ir-riċerka inkludiet skavar arkeoloġiku, analiżi fuq fdalijiet umani min-Neolitiku, tħaffir għall-‘cores’ mill-qiegħ għall-istorja tal-pajsaġġ u l-ħamrija biex jerġa’ jinbena l-ambjent preistoriku, u l-irfinar tad-dati radjukarbonju. Saru mistoqsijiet sabiex ikun analizzat kif in-nies, flimkien mal-bdil tal-klima kellhom impatt fuq il-pajsaġġ matul iż-żminijiet.

Dawn ir-riżultati tar-riċerka se jiġu ppreżentati f’konferenza ta’ ġurnata li se ssir fis-17 ta’ Marzu fil-Forti Sant’Anġlu, il-Birgu, bejn it-8.30am u l-5pm. Għal iktar tagħrif tista’ tintbagħat email fuq [email protected] jew ċempel fuq 21239375 sal-14 ta’ Marzu.

B’kollaborazzjoni ma’ Heritage Malta filgħaxija se tkun inawgurata wirja bir-riżultati miksuba minn din ir-riċerka. Il-wirja, Fragility and Sustainability in Prehistoric Malta, se tkun ospitata fil-Mużew Nazzjonali tal-Arkeoloġija u se tkun miftuħa b’xejn għall-pubbliku mit-18 ta’ Marzu sal-15 ta’ Ġunju.

Aħbarijiet Oħra
Attivitajiet Kulturali

L-Antartika huwa l-iksaħ kontinent, l-iżjed wieħed niexef u bl-ogħla elevazzjoni medja. Huwa wkoll il-kontinent li jinsab l-aktar l-isfel fin-naħa tan-nofsinhar tad-dinja. Peress li ż-żjarat huma ristretti, għalja u diffiċli, l-Antartika…

Attivitajiet Kulturali

Din l-attività ġiet posposta minħabba t-temp. Data oħra titħabbar iktar tard. Il-Ministru għal Għawdex Justyne Caruana nediet l-ewwel edizzjoni tal-attività Lejl Imkebbes li ser issr nhar is-Sibt, 3 ta’ Novembru…

Informazzjoni

Nhar il-Ħadd, 28 t’Ottubru, Heritage Malta qed tistieden lill-pubbliku biex igawdi attivitajiet varji li qed jiġu organizzati fis-sit arkeoloġiku ta’ San Pawl Milqi f’Burmarrad. Bosta mill-attivitajiet se jiffukaw fuq il-produzzjoni,…

Attivitajiet Kulturali

Għal sena oħra konsekuttiva, nhar il-Ħadd li ġej 21 ta’ Ottubru 2018 għall-ħabta tas-6.00 ta’ filgħaxija, ser tkun qiegħda tittella’ l-akbar fjakkolata fil-gżira ta’ Għawdex ġewwa r-raħal ta’ Santa Luċija….

Aktar