Mużika
L-Orkestra Filarmonika Nazzjonali tiċċelebra l-Milied b’The Nutcracker

Il-mużika ta’ wieħed mill-ballets l-aktar popolari tad-dinja – The Nutcracker ta’ Tchaikovsky – se tindaqq f’kunċert li se torganizza l-Orkestra Filarmonika ta’ Malta fil-15 ta’ Diċembru.  Il-kunċert se jsir fi Pjazza San Ġorġ fil-Belt Valletta, fejn se tittella’ tinda għall-okkażjoni.

Minkejja l-popolarità preżenti tiegħu, il-produzzjoni oriġinali tal-ballet – li ttellgħet għall-ewwel darba f’San Pietruburgu fl-1892 – ma kenitx suċċess. Però l-mużika ta’ Tchaikovsky kienet intlaqgħet tajjeb, u s-suite mużikali ta’ 20 minuta li l-kompożitur ħareġ mill-ballet kienet suċċess immedjat, tant li eventwalment għenet biex il-ballet innifsu jilħaq il-popolarità. Kemm is-suite kif ukoll il-ballet ġew assoċjati mal-Milied, u anke minħabba f’hekk, il-ballet sar l-aktar ballet li jittella’ frekwentament fid-dinja.

F’dan il-kunċert, li se jkun immexxi mid-direttur tal-orkestra Armenjan Sergey Smbatyan, l-orkestra se ddoqq selezzjoni estensiva ta’ mużika mill-ballet, li tinkludi l-mużika tas-suite mużikali li għenet tagħmlu ballet ikoniku.  Fl-ewwel parti ta’ dan il-kunċert se jindaqqu żewġ xogħlijiet ta’ kompożitur ieħor rinomat tal-era romantika, Felix Mendelssohn, bl-Overture to A Midsummer Night’s Dream, li nkitbet meta Mendelssohn kellu biss 17-il sena, tiftaħ is-serata.

Warajha se jindaqq l-unika Kunċert għall-Vjolin li qatt kiteb, l-aħħar xogħol li l-kompożitur ikkompona għal orkestra kbira u wieħed mill-aktar kunċerti għall-vjolin rinomati. Għal dan il-kunċert se tingħaqad mal-orkestra il-vjolinista żgħażugħa Amerikana Esther Yoo, li ddoqq fuq vjolin Stradivarius tas-sena 1704 magħruf bħala l-“Prince Obolensky,” li hu misluf lilha minn kollettur privat.

Aħbarijiet Oħra
Mużika

Malta International Organ Festival, this year being in its fifth edition, will be held from the 15th November till 7th December.  The festival is made up of 16 concerts in…

Mużika

The Gozo Youth Orchestra taħt it-tmexxija ta’ Mro. Joseph Grech b’kollaborazzjoni ma’ 7SPP u Festival Malta, għal darb’oħra qed ittella’ kunċert spettakolari Rock f’Dar tal-Mediterran għal Konferenzi fil-Belt Valletta. Il-kunċert…

Mużika

Il-Banda Ċittadina Leone (A.D. 1863), taħt id-direzzjoni tas-surmast direttur Colin Attard, se tippreżenta t-68 edizzjoni tal-kunċert mużikali annwali ‘Leone Band in Concert’ li jittella’ sabiex jikkommemora l-Proklamazzjoni tad-Domma tal-Assunta. L-ewwel…

Mużika

Teatru Unplugged is a unique event consisting of 5 short acts of diverse musical genres.  Founded by Jonathan Shaw and Nirvana Azzopardi in 1998, Teatru Unplugged is Malta’s longest annual standing…

Aktar