Attivita'
Laqgħa kommemorattiva f’isem l-iskultur Frans Galea

Għada, Heritage Malta qed tistieden lill-pubbliku biex jattendi għal laqgħa kommemorattiva f’isem l-iskultur Frans Galea, fil-mużew nazzjonali tal-arti MUŻA. F’dan l-avveniment se jattendu familjari u ħbieb ta’ Galea biex jaqsmu l-esperjenza u l-memorji tagħhom dwar dan l-artist.

Frans Galea (1945-1994) kien wieħed mill-aqwa skulturi tas-seklu 20. Twieled ftit wara t-tmiem tat-Tieni Gwerra Dinjija u bħal bosta artisti oħra tal-ġenerazzjoni tiegħu, studja fl-Iskola tal-Arti f’Malta. Aktar tard, huwa rnexxielu jirbaħ borża ta’ studju biex imur jistudja l-iskultura fl-Accademia di Belle Arti ġewwa Firenze.

Fis-sebgħinijiet, ċerti artisti lokali baqgħu jaħdmu b’mod tradizzjonali. Però kien hemm oħrajn, fosthom Galea, li fittxew identità kulturali ġdida u ħadmu bi stili moderni. Dan it-tiftix għal identità alternattiva hija riflessa b’mod intriganti fix-xogħolijiet tiegħu.

Il-kapaċità tiegħu li janalizza l-figura umana b’mod personali u b’livell artistikament għoli hija espressa f’xogħlijiet bħal ‘Iċ-Ċiklisti’, ‘In-Nisa Taħt l-Umbrella’ u ‘Il-Ħaddiem fuq il-Lant tax-Xogħol’.

Xogħlijiet artistiċi oħra b’tema reliġjuża jinkludu l-istatwa ta’ San Franġisk quddiem il-kappella tal-Wied tal-Pwales, l-istatwa tal-Madonna fis-Seminarju tal-Virtù, u l-pedestall ta’ San Bastjan għal Ħal Qormi.

Sfortunatament, il-mewt bikrija ta’ dan l-iskultur temmet ħesrem il-karriera artistika tiegħu. Madanakollu, ix-xogħlijiet li ħalla warajh huma xempju tal-ħila kbira li kellu.

Id-diskussjoni se ssir bil-Malti. Dħul bla ħlas. Ħin: 6.30pm.

MUŻA tinsab fil-Berġja tal-Italja, Triq Merkanti, il-Belt Valletta.

Aħbarijiet Oħra
Attivita'

BirdLife Malta’s ornithologists and birders have been studying bird migration with the help of bird ringing and satellite tagging for many years. This is the way to learn about birds,…

Attivita'

The Chinese Moon Festival is China’s second most important traditional celebration and is determined by astronomical observations of the sun’s longitude and the moon’s phases. Owing to the moon’s symbolic…

Attivita'

L-artist żagħżugħ Belti Owen Leuellen se jkun parti minn rappreżentazzjoni live ġewwa Pjazza Mattia Preti fil-Belt Valletta (in-naħa ta’ Marsamxett) nhar it-Tnejn 16 ta’ Settembru. Din l-attività, li hija bla…

Attivita'

Gather your friends and join the party on Friday, 13th, Saturday 14th and Sunday 15th September, at the Marsa Sports Grounds. Guest DJ’s include Pierre Cordina, Kurt Ziggy, Alex Grech,…

Aktar