Attivita'
Lejla għall-Eroj fiż-Żejtun

L-għaqda volontarja Żejtun Organisation to Empower You (ŻOEY) flimkien mal-Kunsill Lokali taż-Żejtun se tkun qed torganizza serata mużiko-letterarja Lejla għall-Eroj fl-okkażjoni ta’ Jum l-Eroj Żwieten nhar il-Ħamis, 5 ta’ Lulju, 2018 mis-7.30 p.m. ‘il quddiem fi Ġnien l-Għannejja Żwieten (Ta’ San Girgor), Triq id-Daħla ta’ San Tumas, iż-Żejtun.

Serata li se tkun qed iżewwaq dak tradizzjonali ma’ dak modern biex tfakkar lil diversi eroj Żwieten u tilħaq il-gosti ta’ kulħadd. Attività li se jkollha l-parteċipazzjoni ta’ bosta kantanti lokali, diversi skejjel taż-żfin, letteratura, logħob, grupp millI-Italja li se jkun qed jagħti spettaklu ta’ żfin u mużika Taljana, reċti, għana minn Żeppi Spagnol (il-Kelba), Anġlu Theuma (il-Kina), u Mikiel Cumbo (l-Iżgej) flimkien mal-kitarristi u ħafna oħrajn. Barra minn hekk waqt is-serata se tkun qed tittella’ kompetizzjoni tal-inbid għall-għassara fi tlett kategoriji; inbid abjad, aħmar, u rosè. Kull reġistrazzjoni għall-kompetizzjoni tal-inbid hi bla ħlas u l-ewwel tlieta minn kull kategorija jingħataw trofew. L-inbid irid jasal sal-Erbgħa 4 ta’ Lulju fl-istess Ġnien li se tittella’ s-serata.
Membri mill-għaqda ŻOEY se jkunu qed ifakkru u jagħtu ġieħ lil diversi personalitajiet Żwieten li kienu ta’ importanza kbira għal din il-lokalità, fosthom fl-Aħħar Ħbit mit-Torok tas-6 ta’ Luju, 1614. F’dan il-jum ta’ aktar minn 400 sena ilu kienet dehret flotta Torka  fuq ix-xefaq tax-Xlokk ta’ Malta u rnexxilhom jinżlu fil-Bajja ta’ San Tumas, u għamlu ħerba fl-inħawi ta’ Bulebel fiż-Żejtun. Iż-Żwieten bl-għajnuna tal-Kavallieri u ta’ Klement Tabone rnexxilhom jirbħu lit-Torok. Dan wassal biex it-Torok ma jissugrawx jerġgħu jersqu lejn Malta. Waqt din l-attività dawn il-personaġġi se jkunu qed iqajjmu interess kbir fost il-pubbliku preżenti.
Serata miftuħa għall-familja kollha u d-dħul hu bla ħlas f’dan il-ġnien. Waqt din is-serata se jkun hemm diversi siġġijiet biex il-pubbliku jkun jista’ jgawdi din is-serata.
Għal aktar informazzjoni ċempel fuq 2166 3866 jew ibgħat ittre fuq [email protected].
Aħbarijiet Oħra
Attivita'

Fi tmiem il-ġimgħa l-Kunsill Lokali tan-Nadur iċċelebra l-festa kbira tal-Inbid. Dan il-Festival qed isir fi Ġnien il-Kunsill fin-Nadur, liema belvedere jpaxxi lil dawk preżenti b’veduti mill-aqwa tal-fliegu Malti. L-istess Festival…

Attivita'

Il-Korp tal-Pulizija din is-sena qed jiċċelebra l-205 Anniversarju mit-Twaqqif tiegħu fl-1814 filwaqt li l-Banda tal-Korp tal-Pulizija din is-sena qed tiċċelebra l-25 Anniversarju mill-aħħar riattivazzjoni tagħha fis-sena 1994. Fl-okkażjoni ta’ dawn…

Attivita'

Inbid, ikel, frott u ħafna aktar. Dawn huma kollha prodotti li tista’ tagħmel mill-għenba, frotta li l-Maltin u l-Għawdxin iħobbu ferm. U dawn il-prodotti se jkunu kollha f’post wieħed, fil-festa…

Attivita'

It-tielet edizzjoni tal-Gozo Film Festival ser tiġi organizzata mill-Gozo Film Club bis-sostenn tal-Ministeru għal Għawdex u l-Malta Film Commission. Il-Gozo Film Festival se jsir bejn il-Ġimgħa t-23t’Awwissu u l-Ħadd 25 ta’ Awwissu….

Aktar