Mużika
Looking Back (ForWard) – The Swingles in Concert fi Pjazza Teatru Rjal

II-grupp vokali The Swingles ilu jwessa’ l-orizzonti mużikali għal dawn l-aħħar ħamsin sena.

Is-seba’ kantanti żgħażagħ li illum jiffurmaw dan il-grupp ibbażat f’Londra – Joanna Goldsmith-Eteson, Federica Basile, Liz Swain, Oliver Griffiths, Jon Smith, Kevin Fox u Edward Randell – għad għandhom l-istess għanijiet li kellhom il-fundaturi tal-grupp, ċjoè, li jkomplu joħolqu mużika ġdida u eċitanti filwaqt li jkomplu jesegwixxu r-repertorju antik. Din l-ispirazzjoni żammet lil dan il-grupp għaddej għal bosta ġenerazzjonijiet u wasslithom sabiex ikunu rebbieħa Grammy® għal ħames darbiet.

F’dan l-aħħar snin reġa kien hawn qawmien tal-kant a cappella u The Swingles huma nternazzjonalment magħrufa għall-arti li rnexxielhom jipperfezzjonaw.

Il-versatilità tagħhom wasslithom sabiex jikkollaboraw ma’ diversi gruppi u artisti differenti fosthom The Modern Jazz Quartet, Jamie Cullum u Labrinth. Il-kompożitur kbir Luciano Berio kien wieħed minn tal-ewwel li esplora b’suċċess il-vuċijiet amplifikati ta’ The Swingles f’ambjent orkestrali bix-xogħol maestuż tiegħu Sinfonia. Apparti l-iskeda impenjattiva li għandhom ta’ kant madwar id-dinja kollha, The Swingles itellgħu il-London A Cappella Festival f’Kings Place fil-bidu ta’ kull sena.

Ir-repertorju tal-kunċert ta’ Settembru ġewwa Pjazza Teatru Rjal (l-ewwel wieħed ta’ dan il-grupp f’Malta) joffri firxa wiesa’ ta’ stili u ġeneri differenti għall-gosti ta’ kulħadd, mill-mużika barokka ta’ Bach, Tallis u Corelli għal xogħolijiet klassiċi mis-seklu għoxrin ta’ de Falla and Piazzolla kif ukoll mużika aktar popolari bħal dik tal-Beatles, Simon & Garfunkel u Narnia.

Il-kunċert tat-18 ta’ Settembru jibda fit-20:30. Għal biljetti u aktar informazzjoni wieħed jista’ jżur is-sit www.pjazzateatrurjal.mt. Studenti, familji u anzjani jgawdu minn roħs speċjali fuq il-biljetti (termini u kundizzjonijiet japplikaw).

Aħbarijiet Oħra
Mużika

Bħal-lum ġimgħa, il-Ġimgħa 19 ta’ Lulju 2019, l-Orkestra Filarmonika Nazzjonali se tkun qed tesegwixxi Programm Mużikali bl-isem ta’ ‘Swing Summer Night’ fil-Każin San Gejtanu fit-8.00pm. Id-dħul għal dan il-Programm Mużikali…

Mużika

Nhar it-Tnejn 24 ta’ Ġunju fit-8pm, il-Banda San Gejtanu, taħt id-direzzjoni tas-Surmast direttur tagħha, Mro. Jonathan Borg FLCM, se tkun qed tesegwixxi Programm Mużikali fil-bitħa tal-Każin San Gejtanu, propju fil-ġurnata…

Mużika

Il-produtturi ta’ Balzunetta Productions qed iħabbru il-artisti prinċipali u l-bqija tal-kast għal musical ikoniku Il-Kbir Għadu Ġej, li ser iseħħ l-ewwel darba ġewwa Dar il-Mediterran fil-Belt Valletta fid-9 ta’ Awwissu…

Mużika

The Embassy of France in Malta and the Embassy of Italy in Malta with the Italian Cultural Institute are organising a joint concert on Saturday 8th June at 7.30 pm…

Aktar