Attivitajiet Kulturali
Malta Calls – il-party għas-sajf minn Valletta 2018 u ŻfinMalta

Malta Calls, party uniku organizzat minn Valletta 2018 u ŻfinMalta, se jsir nhar il-Ġimgħa 20 ta’ Lulju mit-8pm ‘il quddiem fil-Grounds tal-Iskola Sekondarja tal-Kulleġġ ta’ Santa Klara (ex Sir Adrian Dingli) f’Pembroke.

Malta Calls hu esperjenza unika ta’ mużika u żfin inkorporati ma’ projezzjonijiet viżivi minn Shaun Prickimage u Dan Strutt; żewġ ismijiet kbar fl-industrija awdjoviżiva internazzjonali li ħadmu mal-Chemical Brothers u l-Opera Nazzjonali Ingliża, fost oħrajn.

Żeffiena professjonali minn ŻfinMalta se jwettqu koreografija oriġinali ta’ 45 minuta mill-koreografu internazzjonali u ex Direttur Artistiku ta’ ŻfinMalta Mavin Khoo, akkumpanjata mill-mużika tad-DJ internazzjonali PerQX; DJ minn Stokkolma li jinsab fil-quċċata tax-xena globali tal-mużika house. Fil-qalba ta’ din ir-rappreżentazzjoni hemm l-istorja tal-umanità u l-futur tagħha permezz ta’ avatar 3D maħluq speċifikament għall-okkażjoni.

DJs lokali Carlo Gerada, Miss Roberta u DJ Ruby se joħolqu divertiment għall-folla bil-mużika tagħhom matul il-lejl, u jittrasformaw il-Kulleġġ ta’ Santa Klara f’party memorabbli. Il-grawnd ta’ Santa Klara jinsab fi spazju kbir li jħares dirett għal fuq il-baħar, u dan se jipprovdi esperjenza unika ta’ clubbing barra.

Il-party hu esperjenza kollaborattiva kkummissjonata li tlaqqa’ projezzjonijiet interattivi ta’ mużika, żfin u viżwali fuq palk ta’ 40 metru, mixgħul mid-disinjatur internazzjonali Michael Mannion. Grupp ta’ artisti mistiedna oħra se jieħdu sehem matul il-lejl u se joħolqu fantasija viżwali li tikkumplimenta l-mużika.

Dan l-avveniment hu organizzat mill-Fondazzjoni Valletta 2018 b’kollaborazzjoni ma’ ŻfinMalta, u huwa parti mill-Programm Kulturali ta’ Valletta 2018.

Id-dħul huwa bla ħlas. Għal aktar informazzjoni u għall-programm ta’ attivitajiet żur valletta2018.org.

Aħbarijiet Oħra
Attivitajiet Kulturali

Nhar il-Ħamis li ġej, 25 t’April, Heritage Malta qed tistieden lill-pubbliku għas-sitt sessjoni Milk in the 17th and 18th Century Malta, li se tittella’ fil-Palazz tal-Inkwiżitur, il-Birgu. Waqt dan l-avveniment,…

Kultura

Is-Soċjetà Filarmonika La Stella, Gudja se ttella’ l-kunċert Factus Obidiens Usque Ad Mortem. Il-kunċert se jittella’ fil-Knisja Arċimatriċi u Arċipretali ta’ Santa Marija nhar il-Ħadd, 7 t’April fis-6.30pm. Se jieħdu sehem…

Kultura

Il-Karnival fil-Marina llum sar imfittex ħafna fiż-żona ta’ Marsamxett, fejn bosta huma dawk li jgħixu fiż-żoni ta’ Tas-Sliema, Gżira, Msida, Pieta’ u naturalment Ta’ Xbiex, li jżuru dan il-Karnival. Din…

Attivitajiet Kulturali

Il-Karnival huwa wieħed mill-eqdem festivals storiċi f’Malta, bi ftit inqas minn ħames sekli ta’ storja kkreditata u dokumentata li tmur lura għal żmien il-Kavallieri f’Malta. Kreazzjonijiet artistiċi ġodda jinħolqu waqt…

Aktar