Attivitajiet Kulturali
Malta tospita l-Commedia dell’Arte

Fil-25 ta’ Frar, għall-okkażjoni tal-Kapitali Ewropea tal-Kultura 2018, Malta se tospita l-ġurnata ddedikata għall-Commedia dell’Arte 2018!

Iċ-ċelebrazzjonijiet, li se jkunu mqassma fuq weekend sħiħ, se jsiru taħt il-patroċinju tal-UNESCO u bl-appoġġ ta’ Teatru Malta, it-teatru nazzjonali li għadu kif tnieda, u ser ifakkru  din il-forma ta’ arti prestiġġjuża meqjusa bħala wirt dinji intanġibbli ta’ livell għoli.

L-attivitajiet se jinkludu sensiela ta’ workshops, dibattiti u spettakli minn ħadd ħlief l-Arlecchino Taljana ta’ prima klassi: Claudia Contin Arlecchino, li tista’ tgħid hija l-aktar professjonista mara tal-Commedia dell’Arte magħrufa fl-Ewropa.

Teatru Malta se jistabbilixxi ‘Il-Klassi tas-Surmast’ bħala avveniment ta’ kull sena li jippromovi masterclasses u spettakli minn ‘surmast’ ta’ forma ta’ arti tat-teatru speċifika. Il-Commedia dell’Arte ġiet magħżula għall-2018 ma’ Claudia Contin Arlecchino, li rrnexxielha tipperfezzjona r-rwol maskulin ħafna ta’ Arlecchino, u issa qed tmexxi għadd ta’ avvenimenti għall-edizzjoni ta’ din is-sena li ma kinux ikunu possibbli mingħajr l-appoġġ tal-kollaboraturi Żararti, SAT, l-Università ta’ Malta, l-MCAST u l-Ambaxxata Taljana.

Nhar il-Ġimgħa 23 u t-Tnejn 26 ta’ Frar, Claudia Contin Arlecchino se tagħti workshop maqsum fi tnejn fil-bini tal-Malta Society of Arts il-Palazzo de La Salle, lil għadd żgħir ta’ skulturi dwar l-arti tradizzjonali tal-għamla tal-forom tal-injam għall-maskri u t-trattament tal-ġild.

Il-Ġimgħa filgħaxija s-sessjoni tkompli b’dibattitu pubbliku fil-Malta Society of Arts stess, li jiffoka fuq il-funzjoni u r-rilevanza tal-Commedia dell’Arte fis-soċjetà tal-lum.

Is-Sibt 24 u l-Ħadd 25 ta’ Frar se jsiru workshops għal studenti tal-arti tal-ispettaklu u għall-atturi fis-Sala Robert Samut.

Il-biljetti huma disponibbli għaż-żewġ spettakli: Gli Abitanti di Arlecchinia, u Arlecchino e il Suo Doppio li se jsiru mis-surmast innifisha nhar is-Sibt u l-Ħadd flgħaxija rispettivament fis-Sala Robert Samut.

Il-pubbliku huwa mħeġġeġ jibbukkja l-biljetti minn qabel, għax il-postijiet għall-avvenimenti kollha huma limitati.

Aħbarijiet Oħra
Attivitajiet Kulturali

Il-Kunsill Lokali taż-Żejtun u SpazjArti se jorganizzaw serata mill-aktar divertenti u informattiva li tikkonsisti minn qari għall-kbar mal-awtur Żejtuni Trevor Zahra, nhar it-Tnejn, 19 ta’ Frar, 2018 fis-7pm fil-binja tal-Kunsill Lokali taż-Żejtun, Triq Sant’…

Attivitajiet Kulturali

S’issa saru ħames sfidi fejn id-Dan jew is-San kellhom jieklu l-ikel tal-qtates, jaqalgħu għaxar daqqiet ġo wiċċhom, jieklu l-bżar aħmar, jixorbu l-ilma bis-sardin u jieklu kannoll b’saqajhom. Ma’ dawn l-isfidi…

Attivitajiet Kulturali

Teatru Salesjan, it-teatru tal-kommunità f’Tas-Sliema, ħabbar staġun teatrali ġdid għall-familji. Minn Marzu sa Mejju 2018 tlett produzzjonijiet għat-tfal ser jittellgħu bħala parti mill-istaġun imsejjaħ Nuna Palk, kollaborazzjoni bejn Teatru Salesjan…

Attivitajiet Kulturali

Se tiġi inawgurata wara li ġiet irrestawrata l-istatwa antika u devota ta’ San Ġużepp Inkurunat. L-inawgurazzjoni se ssir nhar il-Ġimgħa 2 ta’ Marzu. Fis-7.30 p.m. fil-Knisja Katidrali ta’ Malta, fl-Imdina,…

Aktar