Mużika
Mario Biondi bl-ewwel kunċert tiegħu f’Malta

Wieħed mill-aqwa esponenti tal-mużika jazz u soul fl-Italja, Mario Biondi, sejjer ikun f’Malta għal kunċert fit-8 ta’ Awwissu li sejjer jiġi mtella’ fil-Pjazza tal-Armeriji ġol-Forti Sant Iermu l-Belt Valletta.

Biondi, li l-isem veru tiegħu ħuwa Mario Ranno huwa Sqalli. Imwieled f’Catania, Biondi bena r-reputazzjoni tiegħu matul is-snin biex illum nistgħu ngħidu li huwa l-aktar mużiċista Taljan prominenti fil-qasam tal-jazz u soul tal-aħħar żminijiet.

Il-vuċi profonda ta’ Biondi hija unika u senswali għall-aħħar. Bl-esperjenza vasta li irnexxielu jakkwista meta kanta ma’ bosta artisti varji, Biondi llum jitqies wieħed mill-pilastri Ewropej tal-mużika soul, fejn ħafna drabi jikseb paraguni mal-leġġendarju Barry White.

Meta ġiet mistoqsija dwar il-post magħżul, Antonella Vassallo, l-organizzatriċi ta’ dan il-kunċert qalet il-Pjazza tal-Armeriji huwa l-post ideali għall-kunċert intimu kif jaf jagħti Biondi lill-udjenza tiegħu.

Il-kunċert ċertament se jkollu siltiet mill-aħħar album ta’ Biondi, Brażil, flimkien ma’ diski indimentikabbli mir-repertorju tiegħu.

Biondi, li gej minn familja ta’ mużiċisti, beda jkanta mal-kor tal-knisja fl-età ta’ 12-il sena u ftit wara kien jieħu sehem ġo festivals reġjonali li kienu jsiru fil-pjazzez quddiem mijiet ta’ nies.

L-ewwel preżenza tiegħu fuq il-palk kienet fil-Festival Della Canzone Siciliana, fejn ġie fit-tielet post. Biondi kellu wkoll l-opportunità li jkanta ma’ artisti popolari Taljani li kienu jinkludu lil Califano u Fred Bongusto kif ukoll lil leġġenda tal-jazz Amerikana Ray Charles.

Hekk kif ir-reputazzjoni tiegħu kibret, Biondi sab ruħu jikkollabora ma diversi gruppi bħal The Change, Mario Brothers u Funky Company waqt recordings ġo l-istudjos u anke waqt tours.

Bil-vuċi qawwija u unika tiegħu, Biondi ġie mħeġġeġ biex isegwi karriera bħala solista. B’materjal ispirat minn artisti Amerikani bħal Lou Rawls, Luther Vandross u Donny Hathaway, Biondi iddebutta bħala solista fl-2006 bl-album Handful of Soul.

Id-diska This Is What You Are kienet l-akbar suċċess min dan l-album u Biondi ħa sehem fil-Festival ta’ Sanremo b’din id-diska dik is-sena, biex kompla żied fil-popolarità ta dan l-album li daħal ma’ l-aqwa 100 albums tas-sena tal-Billboard European Charts.

Il-mużika ta’ Biondi kompliet tikseb popolarità bl-album tiegħu tal-2009, It, li kien suċċess kbir fl-Italja meta wasal sat-tieni post fil-klassifika u nbiegħ tliet darbiet platinum.

L-album Due segwa fl-2011 li ċertament serva biex Biondi wera l-karattru uniku ‘soul’ tiegħu f’kull kanzunetta. F’Due ipparteċipaw ma’ Biondi 20 artisti emerġenti Taljani u internazzjonali u jinkludi 13 il-biċċa originali u 7 ‘covers’.

L-enerġija ta’ dan l-album hija maħluqa mid-diversità tiegħu, li tvarja minn soul, jazz għal R & B, lounge u bossa nova. L-għan ewlieni ta’ Biondi wara dan il-proġett innovattiv kien li jagħti lil dawn it-talenti moħbija iċ-ċans li jinstemgħu.

Punt kruċjali fil-karriera tiegħu laħqu meta ħareġ l-album Sun fl-2013, li laħaq in-numru wieħed fil-klassifiċi Taljani. Prodott minn Biondi flimkien ma’ Jean Paul Maunick ta’ Incognito, f’dan l-album deħru firxa ta’ mistednin prominenti u influwenzi li jinkludu Leon Ware, Chaka Khan, Al Jarreau u James Taylor.

Sun dam għal aktar minn sena fil-klassifiċi fl-Italja u meta gie rilaxxat l-album tal-Milied, Mario Christmas fl-aħħar tal-2013, dan segwa Sun fil-quċċata tal-klassifici.

Is-seba’ studio album ta Biondi, Beyond, ħareġ fl-2015 u kien segwit mis-silta Love is a Temple li kienet suċċess kbir fil-kassifiċi Ewropej.

Matul l-2016 u l-2017 Biondi għamel tours, ipparteċipa f’kunċerti u kkontribwixxa siltiet għal bosta kumpilazzjonijiet. L-ossessjoni li dan l-artist għandu bil-mużika Brażiljana kienet l-ispirazzjoni għall-album l-aktar reċenti tiegħu, bl-isem xieraq ta’Brażil.

L-album jinkludi għadd ta’ verżjonijiet ta’ kopertura u dehriet ta’ mistednin bhal Ivan Lins u Claudya fuq żewġ biċċiet, Daniel Jobim u Ana Carolina (Rivederti) u Till Bronner fuq żewg biċċiet oħra, inkluż Smooth Operator ta’ Sade.

Organizzat min Music Hall Events, il-biljetti għal Mario Biondi Tour 2018 jistgħu jinxtraw min fuq wwww.showshappening.com

Aħbarijiet Oħra
Mużika

Bħal-lum ġimgħa, il-Ġimgħa 19 ta’ Lulju 2019, l-Orkestra Filarmonika Nazzjonali se tkun qed tesegwixxi Programm Mużikali bl-isem ta’ ‘Swing Summer Night’ fil-Każin San Gejtanu fit-8.00pm. Id-dħul għal dan il-Programm Mużikali…

Mużika

Nhar it-Tnejn 24 ta’ Ġunju fit-8pm, il-Banda San Gejtanu, taħt id-direzzjoni tas-Surmast direttur tagħha, Mro. Jonathan Borg FLCM, se tkun qed tesegwixxi Programm Mużikali fil-bitħa tal-Każin San Gejtanu, propju fil-ġurnata…

Mużika

Il-produtturi ta’ Balzunetta Productions qed iħabbru il-artisti prinċipali u l-bqija tal-kast għal musical ikoniku Il-Kbir Għadu Ġej, li ser iseħħ l-ewwel darba ġewwa Dar il-Mediterran fil-Belt Valletta fid-9 ta’ Awwissu…

Mużika

The Embassy of France in Malta and the Embassy of Italy in Malta with the Italian Cultural Institute are organising a joint concert on Saturday 8th June at 7.30 pm…

Aktar