Attivita'
Mid-dinja tal-fantasija – festival taċ-ċikkulata fil-Ħamrun

Din is-sena timmarka l-11-il edizzjoni ta’ Festival taċ-Ċikkulata fil-Ħamrun.

Din hija waħda mill-okkażjonijiet prinċipali f’Malta u magħrufa internazzjonalment.

Għal din l-edizzjoni tħejjew numru ta’ kreazzjonijiet ġodda. Fost oħrajn se jkun hemm jaħdmu tliet artisti taċ-ċikkulata ta’ fama mondjali; wieħed minn Orlando, wieħed mir-Renju Unit u ieħor Malti. Huma ser jispiċċaw ix-xogħol tagħhom fuq il-post.

Se jkun hemm ukoll selezzjoni vasta ta’ċikkulata minn madwar id-dinja, kif ukoll prodotti u ideat innovattivi.

B’attendenza ta’ aktar minn 20,000 ruħ fl-2018, il-Festival taċ-Ċikkulata huwa uniku u jagħti lil dawk li jżuruh opportunita speċjali biex igawdu prodotti taċ-ċikkulata varji.

Il-festival se jsir fis-26 ta’ Ottubru.