Attivita'
Milied f’Ta’ Xbiex se jsir fil-qalba tar-raħal

Għat-tieni sena konsekuttiva se tkun qed terġa’ tittella’ l-edizzjoni tal-attività ‘Milied f’Ta’Xbiex’, iżda differenti mis-soltu. Dan hekk kif l-attività mhux se tkun qed issir tul ix-xatt fejn normalment isiru avvenimenti oħra, se ssir fil-qalba tal-villaġġ ta’ Ta’ Xbiex, ezattament biswit il-monument simboliku tat-tmun ta’ Ta’Xbiex, fil-qalba tal-Housing Estate, bl-ghan li tgħaqqad aktar lir-residenti u nies ohrajn fic-centru tal-lokal.

L-attività se tkun qed toffri divertiment bħal żfin minn bosta kumpaniji ta’ żfin, u se tkun qed isservi ta’ attrazzjoni għall-familja kollha mit-tfal sal-anzjani. Dawk preżenti se jkunu jistgħu wkoll jieklu ikel tradizzjonali tal-Milied u jammiraw it-tiżjin li se jkun hemm biex kulħadd jidħol aktar fl-ispirtu ta’ dan iż-żmien li tant ikun mistenni.

Milied f’Ta’Xbiex se tkun qed tittella’ nhar il-Ħadd 22 ta’ Diċembru 2019 bejn is-6:00pm u d-9:00pm. Fost l-artisti preżenti se jkun hemm X-Tend, Joe Demicoli u r-rebbieħa ta’ X-Factor Malta u rappreżentanta ta’ pajjiżna għall-Eurovision Michela Pace.

Din l-attività qed tittella mill-Kunsill Lokali ta’ Ta’ Xbiex bl-għajnuna tar-Reġjun taċ-Ċentru.

Aħbarijiet Oħra

L-għaqda Europa Donna Malta Breast Care support group se tipparteċipa fl-avveniment “Race for the Cure 2020” b’mod virtwali. Fi stqarrija l-għaqda qalet li dan l-avveniment se jsir fi 22 pajjiż Ewropew u…

Heritage Malta tħabbar li ser jerġa jibda l-programm popolari tas-sajf tal-Passaport tal-Istudenti biex tkompli tiżdied l-aċċessibiltà għall-wirt kulturali. Dan il-Programm li jara l-bidu tiegħu nhar it-Tlieta, 21 ta’ Lulju 2020…

Għal sena oħra, l-Għaqda tal-Malti qiegħda tikkollabora mad-Dipartiment tal-Malti fl-Università sabiex torganizza t-taħdita #tunattoga… u mbagħad? F’din it-taħdita se jipparteċipaw seba’ kelliema, ilkoll gradwati tal-Malti jew li segwew xi kors…

Għada f’Sibt il-Għid, fil-Birgu fid-9.00pm ser tinżamm tradizzjoni li ilha għaddejja għal aktar minn 100 sena; dik magħrufa bħala “Il-Begigga.” Din it-tradizzjoni kienet bdiet meta xi ħadd li kellu dak…

Aktar