Attivita'
Min se jagħti l-bewsa tal-ħajja lil Snow White fil-Foresta tal-Fantażija?

ACTion Productions tistedinkom għat-tielet pantomima tagħhom bl-isem Snow White u l-Maġija fil-Foresta tal-Fantażija. Din is-sena l-awtur Sonic-j Aquilina għażel il-karattru ta’ Snow White, ovvjament l-awtur żamm ftit mal-istorja oriġinali li jaf biha kulħadd u frott l-immaġinazzjoni tiegħu ħoloq diversi karattri ġodda u sitwazzjonijiet umoristiċi li żgur għandhom jaqsmu lil kulħadd bid-daħk.

Kollox jibda meta Snow White tigdem it-tuffieħa li offritilha oħtha Becky, li għandha s-setgha li tagħmel il-maġija s-sewda. Allura tinqeda bit-tuffieħa maġika biex teqred lil oħtha Snow White. Tgħid jirnexxielha l-ħsieb tagħha?

Waqt li Snow White tkun mitluqa għal mejta fil-foresta jitfaċċaw sħabha n-nani u jibdew jikkustinjaw bejniethom min se jirnexxielu jqajjimha. Waqt dan kollu, jasal il-Prinċep Charming, u miegħu Kamillu, is-seftur personali tiegħu. Min minnhom kollha se jagħti l-bewsa tal-ħajja lil Snow White?

Angolina r-Reġina tasal lura fil-foresta ma’ bintha Kristabell wara btala tal-ġenn iddur mad-dinja u tgħabbi lil dak u lill-ieħor. Meta tisma’ bid-diżastru li ġara, Angolina tfassal pjan biex twaqqaf lil bintha Becky milli tkompli taghmel aktar ħsara permezz tal-maġija s-sewda.  U x’sehem għandhom fil-pantomima Żażu l-mera maġika, Morgana s-saħħara, Nikka u Mixa?

Din il-pantomima kollha daħk, kant, żfin u kostumi mill-isbaħ se tittella’ fis-7 u t-8 ta’ Diċembru fis-7pm, u fid-9 ta’ Diċembru fl-4pm fit-Teatru Dun Mikiel Xerri, Ħaż-Żebbuġ.

Għal iktar dettalji, tista’ tidħol fil-paġna ta’ Facebook ta’ ACTion Productions.

Aħbarijiet Oħra
Attivita'

L-Għaqda Filantropika Talent Mosti qed ittella’ esebizzjoni tal-mużajk Of Land and Sea minn Raymond Aquilina u Flavia Marmara. Raymond Aquilina u Flavia Marmarà huma żewġ kollegi u artisti appasjonati fl-arti tal-mużajk….

Attivita'

Għada, Heritage Malta qed tistieden lill-pubbliku biex jattendi għal laqgħa kommemorattiva f’isem l-iskultur Frans Galea, fil-mużew nazzjonali tal-arti MUŻA. F’dan l-avveniment se jattendu familjari u ħbieb ta’ Galea biex jaqsmu…

Attivita'

Nhar il-Ħadd, 19 ta’ Mejju, Heritage Malta b’kollaborazzjoni mal-NGO Friends of Villa Frere qed jistiednu lill-pubbliku biex iżur il-ġonna kurjużi ta’ Villa Frere f’Tal-Pietà. Għalkemm fl-aqwa żmien tiegħu dan il-post…

Attivita'

Il-Ġimgħa 17 ta Mejju, mill-10 ta’ filgħodu sa nofsinhar, fi Pjazza Tritoni, il-Belt Valletta, il-Fondazzjoni ta’ Malta għall-Ġid tas-Soċjetà, f’kollaborazzjoni maċ-Ċentru Kulturali Ċiniż f’Malta, ser ikunu qegħdin jorganizzaw it-tieni edizzjoni…

Aktar