Kultura
Mur ara l-Mara r-Rieqda u l-Venere ta’ Malta bla ħlas nhar il-Ħadd

Nhar il-Ħadd, il-Mużew Nazzjonali tal-Arkeoloġija fil-Belt se jkun miftuħ b’xejn għall-pubbliku.

Dan il-mużew jinsab fil-Berġa ta’ Provenza u jospita artefatti ta’ żmien il-perjodu Neolitiku sal-perjodu tal-Feniċi.  Fost dawk esebiti hemm il-‘Mara r-Rieqda’ li nstabet fl-Ipoġew ta’ Ħal Saflieni u l-‘Venere ta’ Malta’ li nstabet f’Ħaġar Qim.

Kull min se jżur il-mużew se jkollu ċ-ċans li jara l-wirja tal-kollezzjoni nazzjonali tal-flus u l-midalji li ġiet inawgurata riċentament, kif ukoll il-wirja temporanja bir-riżultati l-ġodda tar-riċerka u l-istudji dwar il-preistorja tal-proġett Fragsus.

Wieħed jista’ jammira wkoll il-Gran Salon, li tispikka minħabba l-ħitan dekorattivi u s-saqaf tal-injam u li bħalissa għaddej xi xogħol ta’ restawr fuqha.

Heritage Malta qalet fi stqarrija li matul il-ġurnata se jsiru żewġ żjarat bi gwida għal numru limitat ta’ 50 persuna, wieħed fil-11am u l-ieħor fis-2pm.  Il-Mużew jiftaħ bejn id-9am u s-6pm.

Għal iktar tagħrif wieħed jista’ jżur is-sit elettroniku ta’ Heritage Malta li huwa heritagemalta.org, kif ukoll il-paġna ta’ facebook tal-aġenzija Heritage Malta fuq facebook.

Aħbarijiet Oħra
Wirja

Bħala parti mill-introduzzjoni għat-tibdil fis-sistema’ edukattiva li se tibda f’Settembru 2019, il-Mede qed ittella’ diversi wirjiet bit-titlu ta’ L-Alternattiv mhux Inferjuri. F’ Settembru 2019 se naraw l-introduzzjoni tal-My Journey fejn…

Wirja

Nhar il-Ħadd, 23 ta’ Diċembru, il-Mużew Nazzjonali tal-Arkeoloġija fil-Belt Valletta, se jkun miftuħ għall-pubbliku bla ħlas. L-esebiti ġewwa dan il-mużew ikopru żmien twil li jibda mill-Perjodu Neolitiku (5,200 QK) u…

Kultura

Il-Parroċċa ta’ Ħal Tarxien se tinawgura r-restawr u ridekorazzjoni tal-koppla. L-inawgurazzjoni se ssir nhar l-24 ta’ Diċembru 2018 għall-ħabta ta’ 10:00pm matul il-Velja tal-lejl Qaaddis tal-Milied. Din se tkun inawgurata mit-tfal…

Wirja

Dan iż-żmien tal-Milied, aktar minn żmien ieħor fost is-sena, ifakkar lil bosta fit-tradizzjonijiet ta’ tfulitna.  Fost l-oħrajn il-purċissjoni bil-bambin, il-ġulbiena, u l-presepji differenti bil-ġebel tal-gagazza jew bil-kartapesta. Dawn it-tradizzjonijiet tilfu…

Aktar