Mużika
Mużika barokka għall-Milied fit-Teatru Manoel

It-Teatru Manoel ser jippreżenta l-ewwel kunċert tal-Milied mill-Valletta Baroque Ensemble, VIBE, nhar il-Ħamis 21 ta’ Diċembru fit-8pm fil-knisja antika ta’ San Girgor fiż-Żejtun.

Dan il-kunċert ser ikun l-ewwel wieħed għal VIBE. Il-kunċert ser jsir taħt id-direzzjoni ta’ Marco Mencoboni, wieħed mill-personalitajiet ewlenin fl-interpretazzjoni tal-Mużika Barokka. Is-surmast Mencoboni huwa wkoll il-viċi president ta’ REMA (Réseau Européen de Musique Ancienne) l-assoċjazzjoni Ewropea tal-mużika antika, u bħalissa qiegħed imexxi sessjonijiet f’Malta fl-interpretazzjoni tal-mużika ta’ Claudio Monteverdi.

Il-Programm jinkludi il-Cantata BWV 51 “Jauchzet Gott in allen Landen” li tfisser infaħħru l-Alla kullimkien, ta’ Johann Sebastian Bach għal soprano, trumbetta, kordi u kontinwo, l-unika xogħol ta’ Bach miktuba għal dawn l-istrumenti, meqjusa minn studjużi ta’ Bach bħala waħda mixgħula bil-ferħ u sbuħija.

Il-Concerto Grosso Op 6 no 8 in Sol minore “Fatto per la notte di Natale” ta’ Arcangelo Corelli, magħrufa aħjar bħala il-Concerto tal-Milied, bla dubju l-aktar biċċa xogħol mużikali popolari ta’ Corelli wkoll ser tkun parti mill-programm.

Il-kunċert jagħlaq bl-interpretazzjoni tal-“Messa Pastorale” ta’ Benigno Zerafa; qassis u kompożitur Malti tal-mużika sagra li serva bħala Maestro di Cappella fil-Katidral ta’ San Pawl l-Imdina bejn l-1744 u l-1786.

Bħal kull quddies miktuba għal żmien il-Milied, il-mużika hija melodjuża u ferriħija.

Biljetti li jiswew €20 jistgħu jinkisbu mis-sit www.teatrumanoel.com.mt, permess ta’ email fuq [email protected] jew b’telefonata fuq in-numru 2124 6389.

Aħbarijiet Oħra
Mużika

Nhar it-Tnejn 24 ta’ Ġunju fit-8pm, il-Banda San Gejtanu, taħt id-direzzjoni tas-Surmast direttur tagħha, Mro. Jonathan Borg FLCM, se tkun qed tesegwixxi Programm Mużikali fil-bitħa tal-Każin San Gejtanu, propju fil-ġurnata…

Mużika

Il-produtturi ta’ Balzunetta Productions qed iħabbru il-artisti prinċipali u l-bqija tal-kast għal musical ikoniku Il-Kbir Għadu Ġej, li ser iseħħ l-ewwel darba ġewwa Dar il-Mediterran fil-Belt Valletta fid-9 ta’ Awwissu…

Mużika

The Embassy of France in Malta and the Embassy of Italy in Malta with the Italian Cultural Institute are organising a joint concert on Saturday 8th June at 7.30 pm…

Mużika

Earth Garden huwa wieħed mill-akbar avvennimenti mużikali mistennija f’Malta. Illum, 13-il sena wara nistgħu nqisuh bħala wieħed mill-iktar festivals popolari fil-qasam tal-mużika alternattiva kemm f’Malta kif ukoll fl-Ewropa. Il-Festival li…

Aktar