Attivita'
Nassaba jiddiskutu l-lingwaġġ tagħhom waqt seminar fl-Università

Nhar l-Erbgħa 20 ta’ Marzu, fis-6.00pm fil-Librerija tal-Fakultà tal-Arti tal-Università ta’ Malta, Tal-Qroqq, se jsir seminar dwar “L-Għasafar trid Għasafar: Il-Lingwaġġ tan-Nassaba” bis-sehem ta’ Raymond Cordina, Michael Grima, Louis Camilleri, u l-Prof. Mark-Anthony Falzon.

F’dan is-seminar, in-nassaba se jiddiskutu l-lingwaġġ li jużaw meta jitkellmu dwar il-mansab, dwar il-passa, dwar l-ismijiet u l-għajat jew ħsejjes tal-għasafar, u dwar it-teknika tal-insib.

Fit-teżi tagħha tal-2015 dwar “Ir-Reġistru tal-Kaċċa u l-Insib”, Marija Cutajar tgħid li n-nassaba u l-kaċċaturi “jużaw kliem jew aħjar reġistru differenti mit-taħdit ta’ kuljum”. Min-naħa l-oħra, nafu wkoll li fl-insib, hemm kliem li nużaw fil-ħajja ta’ kuljum li jingħata funzjoni u tifsira differenti.

Din l-attività hija parti mill-proġett dwar It-Tradizzjoni Orali tad-Dipartiment tal-Malti tal-Università ta’ Malta. Il-proġett jinsab fit-tielet sena tiegħu u qed isir bl-għajnuna tal-Fondi ta’ Riċerka tal-Università u l-Klabb Kotba Maltin. Ħajr lil Jimmy Grima u l-progett S.O.A.B. għall-għajnuna fit-tħejjija ta’ dan is-seminar.

Dawn l-attivitajiet huma miftuħin għal kulħadd u d-dħul huwa b’xejn.

Aħbarijiet Oħra
Attivita'

L-Għaqda Filantropika Talent Mosti qed ittella’ esebizzjoni tal-mużajk Of Land and Sea minn Raymond Aquilina u Flavia Marmara. Raymond Aquilina u Flavia Marmarà huma żewġ kollegi u artisti appasjonati fl-arti tal-mużajk….

Attivita'

Għada, Heritage Malta qed tistieden lill-pubbliku biex jattendi għal laqgħa kommemorattiva f’isem l-iskultur Frans Galea, fil-mużew nazzjonali tal-arti MUŻA. F’dan l-avveniment se jattendu familjari u ħbieb ta’ Galea biex jaqsmu…

Attivita'

Nhar il-Ħadd, 19 ta’ Mejju, Heritage Malta b’kollaborazzjoni mal-NGO Friends of Villa Frere qed jistiednu lill-pubbliku biex iżur il-ġonna kurjużi ta’ Villa Frere f’Tal-Pietà. Għalkemm fl-aqwa żmien tiegħu dan il-post…

Attivita'

Il-Ġimgħa 17 ta Mejju, mill-10 ta’ filgħodu sa nofsinhar, fi Pjazza Tritoni, il-Belt Valletta, il-Fondazzjoni ta’ Malta għall-Ġid tas-Soċjetà, f’kollaborazzjoni maċ-Ċentru Kulturali Ċiniż f’Malta, ser ikunu qegħdin jorganizzaw it-tieni edizzjoni…

Aktar