Mużika
Night with the Stars mill-Pinto Brass Band

Fl-okkażjoni tal-156 sena anniversarju mit-twaqqif tas-Soċjetà Filarmonika Pinto Banda San Sebastjan, il-Pinto Brass Band fi ħdan l-istess Soċjetà ser ittella’ kunċert divertenti li ser ikun taħt id-direzzjoni tas-Surmast Direttur Mro Dominic Darmanin. Inċidentalment din is-sena Mro Darmanin qiegħed ukoll jiċċelebra l-25 sena anniversarju bħala surmast direttur tal-istess banda.

Il-kunċert ta’ din is-sena ser ikun qed jingħata xejra differenti minn tas-soltu hekk kif mal-brass band, ser ikunu qed jingħaqdu kantanti stabbiliti fosthom Maxine Pace, Gianluca Cilia, Dario Mifsud Bonnici, Rhiannon Micallef, Klinsman Coleiro, Destiny Chukunyere, Michela Galea, Danica Muscat kif ukoll Fabrizio Faniello.

Ma’ dawn il-kantanti stabbiliti ser ikunu qed jingħaqdu wkoll kantanti promittenti żgħażagħ fejn ser ikantaw ma’ dawn il-kantanti popolari fi dwetti. Ta’ min jgħid li dan il-kunċert qed jittella’ bil-kollaborazzjoni ta’ ERSEB productions fl-okkażjoni tal-35 sena anniversarju mit-twaqqif tagħhom.

Dan l-ispettaklu mużikali ser jittella’ nhar it-Tlieta 5 ta’ Ġunju, Jum il-Fondazzjoni fit-8.00pm fi Triq San Bastjan quddiem is-sede tal-Każin Pinto. Kulħadd huwa mistieden biex jattendi u d-dħul huwa mingħajr ħlas. Is-serata ser titmexxa minn Louise Doneo u Aiken Buhagiar.

Aħbarijiet Oħra
Mużika

The Guestlist shall be creating one of the most popular meeting points for you every Saturday night this summer, at the recently revamped nightclub Marrakech, located in Gianpula Village. Starting…

Mużika

Il-Banda San Gejtanu se tkun qed tfakkar il-112-il sena mit-twaqqif tagħha permezz ta’ Programm Mużikali fit-Teatru l-Imwaqqa’ l-Belt Valletta, nhar il-Ħamis 21 ta’ Ġunju 2018. Il-Banda San Gejtanu se tkun…

Mużika

Il-Banda Filarmonika Mnarja tan-Nadur se tkun qed torganizza l-Kunċert Sinfoniku Annwali ta’ Ġunju bl-isem ta’ Big Band Adventures fil-Pjazza ta’ San Pietru u San Pawl fin-Nadur. Il-kunċert se jsir fis-16…

Mużika

Is-Soċjetà Filarmonika Leone, bis-sapport tal-Fondazzjoni Valletta 2018 u l-Kunsill Lokali Belt Victoria, tippreżenta il-ħdax-il edizzjoni konsekuttiva tal-Leone Goes Pop, il-produzzjoni artistika ewlenija, mill-ifjen banda f’Għawdex. Lura fl-2008, il-Banda Ċittadina Leone…

Aktar