Attivita'
Opportunità biex tara tlugħ ix-xemx waqt is-solstizju tar-rebbiegħa

Qatt rajt is-solstizju tar-rebbiegħa?

Heritage Malta se tkun qegħda terġa’ toffri l-esperjenza unika ta’ tlugħ ix-xemx waqt is-solstizju tar-rebbiegħa fit-Tempji tal-Imnajdra meta se tkun qed torganizza żjara bi gwida fis-sit sbieħ nhar it-Tlieta 20 u l-Erbgħa 21 ta’ Marzu.

Fit-Tempji tal-Imnajdra, wieħed mit-tempji Neolitiċi mibnija tul ir-raba’ u t-tielet millenji QK, it-Tempju tan-Nofsinhar inbena biex jimmarka l-pożizzjoni ta’ tlugħ ix-xemx nhar l-ewwel jum ta’ kull staġun. Il-viżitaturi fl-Imnajdra se jibqgħu affaxxinati waqt tlugħ ix-xemx fil-bidu tar-rebbiegħa meta r-raġġi tagħha jaqsmu b’mod eżatt id-daħla enormi bi tliet ġebliet tat-tempju t’isfel fl-Imnajdra, u jitfgħu ponta dawl f’niċċa żgħira fid-daħliet l-aktar fondi tal-kumpless megalitiku.  Meta tikkunsidra li n-nies li bnew it-tempji kienu bdiewa u li l-għajxien tagħhom kien jiddependi mill-agrikoltura, it-tibdil tal-istaġuni probabbli kellu tifsira speċjali.

Biex tipprovdi esperjenza aħjar għall-viżitaturi, li se jsegwu tlugħ ix-xemx minn ġot-tempju, Heritage Malta qed toffri postijiet limitati. Min hu interessat jista’ jixtri l-biljetti mis-siti u l-mużewijiet kollha ta’ Heritage Malta jew mis-sit elettroniku ta’ Heritage Malta.

Il-parteċipanti għandhom jiltaqgħu fiċ-Ċentru tal-Viżitaturi ta’ Ħaġar Qim u l-Imnajdra fis-5:30am. L-attivitá tinkludi tlugħ ix-xemx fit-tempju, żjara bi gwida fit-Tempji ta’ Ħaġar Qim u l-Imnajdra, żjara fiċ-Ċentru tal-Viżitaturi li tinkludi l-filmat 4D u pawża għall-kafé.

Aħbarijiet Oħra
Attivita'

Fis-Sala Kappella tal-Mirakli fil-Ġnien tal-Mirakli, Ħal Lija se jsir il-festival taċ-ċitru. Hawnhekk se jkun hemm il-bejgħ tal-frott, ikel lokali u inernazzjonali kif ukoll bejgħ tal-prodotti tal-għasel. Il-festival se jsir fl-20…

Attivita'

Skont il-Kummissjoni Għolja tal-Ġnus Magħquda għar-Refuġjati, illum 13.1 miljun persuna fis-Sirja għandhom bżonn għajnuna umanitarja – dan minħabba 8 snin ta’ gwerra ċivili krudili u persekuzzjoni kontra l-Kristjani li ġarrbu…

Attivita'

Amigos huwa grupp magħmul minn żgħażagħ, li jwettqu xogħol volontarju u jagħmel parti mis-Segretarjat Missjonijiet Agostinjan. Ta’ kull sena jwettqu xogħol missjunarju, ‘il barra minn xtutna. Din is-sena jagħlqu 25…

Attivita'

Taħt id-direzzjoni tas-Surmast Etienne Spiteri, il-Banda San Ġiljan se ttella’ kunċert mużikali bl-isem Music from Vienna, li jikkonsisti minn repertorju esiġenti u magħruf tal-kompożitur Awstrijakk Johann Strauss Jr, li żgur…

Aktar