Arti
Opportunità fiż-żfin għaż-żgħażagħ Għawdxin

Spazju Kreattiv qed jistieden żgħażagħ Għawdxin ta’ bejn it-13 u s-17-il sena biex jipparteċipaw fi proġett taż-żfin u tal-moviment maż-żeffiena u koreografa Gdalit Neuman bejn l-1 u t-12 ta’ Mejju 2018 f’Għawdex. L-ebda esperjenza taż-żfin meħtieġa.

Gdalit Neuman hija żeffiena, koreografa u edukatriċi Kanadiża/Iżraeljana. Żifnet mar-Rina Schenfeld Dance Theatre u ma’ The Israeli Opera, u għamlet koreografija indipendenti kemm fl-Iżrael kif ukol fil-Kanada, u kienet fil-fakultà tal-Iskola Nazzjonali tal-Ballet tal-Kanada u fid-Dipartiment taż-Żfin tal-Università ta’ York.
Gdalit għandha dan il-messaġġ għaż-żgħażagħ Għawdxin.

Bl-użu ta’ tekniki tal-moviment, se nesploraw kwistjonijiet li huma importanti għalik! X’inhu dak li jagħmlek uniku bħala żgħażugħ/a Għawdxi/ja? Kif tara lilek innifsek bħala ċittadin t’Għawdex, ta’ Malta, tal-Ewropa, tad-dinja? X’inhuma l-aspirazzjonijiet tiegħek għall-futur? Il-ġenerazzjoni tiegħek kif inhi unika u differenti minn dik tal-ġenituri u n-nanniet tiegħek? Liema tradizzjonijiet huma għal qalbek u liema minnhom m’għadhomx rilevanti għalik? Ingħaqad magħna f’dan il-vjaġġ affaxxinanti!

Gdalit Neuman se tkun Għawdex bħala parti mill-Programm Artisti f’Residenza tal-Fondazzjoni Kreattività, flimkien ma’ Valletta 2018. Din is-sena, madwar 20 artist minn madwar id-dinja kollha se jgħixu fir-Residenza fl-Għarb, u se jaħdmu fuq diversi proġetti mal-komunitajiet Għawdxin.

Aħbarijiet Oħra
Arti, Attivita

Il-ktieb tal-poeżija tas-sena wasal! Ilna ħames snin naqraw u niktbu u naħsbu f’poeżiji dwar il-patata u issa dawk il-poeżiji ġbarniehom fi ktieb. Il-ktieb jinkludi numru ta’ poeżiji bil-Malti tradotti għall-Ingliż,…

Arti

L-Għaqda Filantropika Talent Mosti se ttella’ Wirja Artistika minn Charles Chetcuti bejn l-14 u t-28 ta’ April 2018 fir-Razzett tal-Markiż Mallia Tabone fi Triq Wied il-Għasel, il-Mosta. Charles Chetcuti, mwieled…

Arti, Diskussjoni

L-arti Maltija u s-sensibbiltajiet moderni se jkunu t-tema prinċipali f’taħdita pubblika ospitata minn Heritage Malta fil-Mużew Nazzjonali tal-Arkeoloġija bil-kollaborazzjoni tal-Fondazzjoni OTS. It-taħdita, Modern sensibilities in Maltese Art, se tkun indirizzata…

Aktar