Attivita'
Palk Ħieles fil-qalba tal-istudenti

Illejla, Inizjamed se torganizza l-erbgħa u għoxrin Palk Ħieles tagħha. U din id-darba se tmur fil-qalba tal-istudenti; fil-post fejn l-istudenti jistudjaw u jiċċajtaw u jaqraw u jiktbu wkoll. Din id-darba l-Palk Ħieles se jsir fil-Junior College, l-Imsida, bi sħab mad-Dipartiment tal-Malti u l-Ingliż.

Bla dubju, il-mistiedna speċjali se jkunu l-istudenti nfushom. Dawk li għadhom jattendu u anke dawk li spiċċaw. Il-letturi mħeġġin jaqraw xogħolhom u l-pubbliku ġenerali wkoll. Dan kollu fl-ispazju l-ġdid iddedikat għall-arti: Venue18. Aqraw, isimgħu, għidu storja, għidu ċajtu, doqqu jew kantaw. Tista’ taqra xi poeżija, storja, tirreċta, tkanta, jew kull ħaġa oħra li inti tħoss hija artistika u li skontok ta’ quddiem in-nies. Kull djalett, kull lingwa, kull stil, huma mhux biss aċċettati imma milqugħa b’idejna t-tnejn. L-ispazju tagħkom!

Ingħaqdu magħna għal din l-attività bla ħlas. Min jiġu jista’ jipparkja fil-Junior College u wara nservu xi ikel u xorb. Narawkom! U bilħaqq … dan il-palk ħieles se jkun ippreżentat minn żagħżugħ student tal-JC. X’inhu ġej, ħej.

 

Aħbarijiet Oħra
Attivita'

Il-Madonna tiegħi aħjar minn tiegħek hija operetta li se tara lura fuq il-palk lil Mary Rose Mallia. Hija se tagħmel il-parti taz-zija katja – seksieka tar-raħal, ċawla imma reliġjuża u…

Attivita'

Fuq l-ixkafef tal-libreriji tagħna nsibu kotba t’awturi minuri qoxra ma’ qoxra ma’ kotba ta’ ġganti letterarji. Tul kors ta’ sentejn sħaħ, l-istudenti tad-Diploma fil-Letteratura Maltija stħarrġu għadd t’awturi sabiex jixħtu dwal…

Attivita'

Għada Ħal Qormi se jibqa’ mqajjem għal-Lejl f’Casal Fornaro. L-avveniment jippromwovi l-kultura, tradizzjoni u folklor Malti. L-attività tiffoka l-aktar fuq it-tradizzjoni tal-ħobża Maltija. Bl-attivitajiet jimirħu f’diversi toroq ta’ Ħal Qormi,…

Wirja

Se titnieda l-Maltex Philatelic Exhibition and Collectors’ Fair, wirja li se tiġbor fiha fost l-oħrajn kollezzjonijiet ta’ oġġetti tat-Tieni Gwerra Dinjija. Dan minbarra li se jkun hemm għall-wiri fliexken tradizzjonali…

Aktar