Pro Wrestling Malta b’Vendetta

Pro Wrestling Malta – l-iskola tar-wrestling professjonali f’Malta, se ttella’ x-xow Vendetta.

Ix-xow se jittella’ nhar is-Sibt li ġej (9 ta’ Marzu) fil-Palace Theatre, Raħal Ġdid.

F’Vendetta wieħed jista’ jara kemm talent lokali kif ukoll internazzjonali fosthom l-eks NXT/Impact Tom La Ruffa minn Franza u l-AJPW Gianni Valletta minn Malta.

Fl-aħħar xhur Gianni Valletta għamel isem kemm għalih kif ukoll għal Malta meta qatta’ diversi xhur fil-Ġappun bħala wrestler mal-AJPW.

Flimkien ma’ Tom La Ruffa u Gianni Valletta, f’Vendetta se jieħdu sehem ukoll l-atleta ta’ NWA Karim Brigante u Red Scorpion mill-Italja. Ma’ dawn se jkun hemm ukoll talent lokali fosthom Jack Quinn u Glamorous Roddy, li wkoll qed jagħmlu isem lil hinn minn xtutna meta s-sena l-oħra saru l-British Empire Wrestling tag team champions. Magħhom se jkun hemm aktar atleti jipparteċipaw.

Pro Wrestling Malta twaqqfet minn Wayne Pace jew kif inhu magħruf Gianni Valletta. Wieħed mill-għanijiet tal-grupp huwa li jħarreġ lil dawk interessati fir-wrestling professjonali. Ma’ dan il-grupp itella’ wkoll 3 xows fis-sena, fejn anke jistieden wrestlers barranin.

Wieħed jista’ jixtri l-biljetti minn hawn jew billi jċempel fuq 9927 3656.

Ara wkoll:

Iħalli Malta biex jitħarreġ fil-wrestling u jipparteċipa f’kompetizzjonijiet madwar id-dinja

Aħbarijiet Oħra
Teatru

“Mil-lum ‘il quddiem, int se tibda tissejjaħ ‘VERA IKONA’, il-mara li f’idejha żżomm ix-xbieha ta’ vera.” Minn hawn ħadet isimha il-mara li hemm diversi stejjer, xniegħat u leġġendi dwar min…

Attivita'

Heritage Malta qed torganizza Open Day fid-Domvs Romana, ir-Rabat. Dawk li jżuru d-Domvs Romana, ikunu jistgħu jieħdu idea ta’ kif kienet tkun id-dar ta’ aristokratiku Ruman żmien twil ilu. Il-mużajk…

Attivita'

Li tkun preżenti fit-tempji preistoriċi tal-Mnajdra, l-Qrendi, fi sbieħ il-jum huwa diġà mument uniku. Iżda għada, il-pubbliku se jkun jista’ josserva wkoll l-ewwel raġġi tax-xemx hekk kif jidħlu direttament mill-entratura…

Il-Kunsill Lokali taż-Żejtun se jtella’ serata Mużiko-Letterarja fl-okkażjoni ta’ Jum il-Kunsill Lokali taż-Żejtun, nharit-Tlieta, 19 ta’ Marzu, 2019, festa pubblika, fis-7.30 p.m., fis-Sala Parrokkjali, Misraħ ir-Repubblika, iż-Żejtun. Is-serata se tkun imżewqa b’mużika Maltija, mill-kantanta Corazón Mizzi, li se tkun…

Aktar