Mużika
“Vjaġġ mużikali” tal-Banda San Gejtanu fl-okkażjoni tal-113–il sena mit-twaqqif

Nhar it-Tnejn 24 ta’ Ġunju fit-8pm, il-Banda San Gejtanu, taħt id-direzzjoni tas-Surmast direttur tagħha, Mro. Jonathan Borg FLCM, se tkun qed tesegwixxi Programm Mużikali fil-bitħa tal-Każin San Gejtanu, propju fil-ġurnata tat-twaqqif tal-Għaqda tal-Mużika San Gejtanu, 113 –il sena ilu.

‘Vjaġġ Mużikali’, l-isem tal-Programm Mużikali għal din is-sena se jkun qed jeħodna f’diversi pajjiżi billi jindaqqu bċejjeċ mużikali minn madwar id-dinja kollha, bħal siltiet ta’ Franz Von Suppe, Vittorio Monti u Jacob de Haan. Ma jistax jonqos li se jindaqqu wkoll bċejjeċ ta’ kompożituri Maltin, partikolarment tal-eks-Surmas Direttur tal-Għaqda, Mro. Joseph Abela Scolaro li din is-sena jagħlaq 40 sena li ħalla din id-dinja.

F’din is-serata se jkunu qed jagħtu sehemhom il-Banda San Gejtanu, il-Bandist Henry Fenech bħala solista fuq il-klarinett, flimkien mal-kantanti Olivia Lewis u Georg Zammit.

L-24 ta’ Ġunju hija ġurnata speċjali għall-Għaqda tal-Mużika San Gejtanu, meta kien propju f’dik il-ġurnata, jum il-festa ta’ San Ġwann Battista li l-Għaqda twieldet fl-1906, 113 –il sena ilu.

Id-dħul għall-programm huwa mingħajr ħlas.

Aħbarijiet Oħra
Mużika

Il-kunċerti tħassru minħabba s-sitwazzjoni tal-Covid-19, iżda xi kantanti qed jagħżlu li jibqgħu jferrħu lill-pubbliku bil-mużika mid-dar. Ivan Grech tal-Wintermoods illejla se jkun qed jagħti kunċert minn fuq it-terazzin tad-dar tiegħu…

Mużika

Is-Soċjetà Filarmonika Stella Maris qiegħda torganizza l-kunċert Annwali tal-Milied b’repertorju vast ta’ mużika moderna u klassika, nhar il-Ħamis 12 ta’ Diċembru 2019 fis-7.15pm, fil-Knisja Arċipretali ta’ Stella Maris, fi Triq il-Kbira,…

Mużika

Nhar is-Sibt, 23 ta’ Novembru se tittellgħa l-ewwel edizzjoni tal-Festival Kantamagħna – festival għall-kantanti tfal u żgħażagħ ġewwa t-Teatru Astra. Il-Ministru għal Għawdex, Justyne Caruana, qalet li dan il-festival se…

Mużika

Reġa’ wasal il-Malta International Organ Festival, festival tant mistenni minn dawk kollha dilettanti tal-knejjes u mużika klassika, li din is- sena ser ikun mit-22 ta’ Novembru sas-6 ta’ Dicembru bi ħmistax…

Aktar