Mużika
RockAstra – Spettaklu mużikali mill-Banda Ċittadina La Stella

RockAstra, wieħed mill-attivitajiet ewlenin tal-kalendarju mużikali ta’ Għawdex, se jirritorna nhar il-Ġimgħa 8 ta’ Ġunju. Dan l-avveniment huwa organizzat mis-Soċjetà Filarmonika La Stella bis-sehem tal-Banda Cittadina La Stella taħt it-tmexxija tas-Surmast  Sigmund Mifsud.

RockAstra ta’ din is-sena ser jkollha s-sehem tal-aqwa talent lokali fosthom Chris Grech, Ludwig Galea, Remy Azzopardi, Mikaela u Gabriella Azzopardi.  Il-kor Piccole Stelle, ta’ l-istess Teatru Astra, immexxi minn Sylvana Cini, ser jkun qed jipparteċipa waqt xi siltiet.

Fost il-biċċiet mużikali ser jkun hemm dawk mir-repertorju ta’ Pink Floyd, Beatles, Andrew Lloyd Webber, Freddie Mercury, John Lenon u Bon Jovi, fost l-oħrajn.  Din l-għażla ta’ mużika fost ser iġġedded il-memorja tal-produzzjonijiet tal-musicals li saru dan l-aħħar tlett snin ġewwa t-Teatru Astra, bl-aktar wieħed riċenti jkun Jesus Christ Super StarDan l-aċċenn lejn it-Teatru Astra hu floku anke fid-dawl tal-anniversarju speċjali li qed jkun mfakkar din is-sena, il-50 sena mill-ftuħ tat-Teatru Astra, lura fis-sena 1968.

Dan l-ispettaklu mużikali popolari ħafna kemm ma l-Għawdxin u Maltin u anke il-barranin li jgħixu fil-gżira, ser isir fil-parti ta’ fuq ta’ Triq ir-Repubblika, triq ewlenija ġewwa l-Belt Victoria fuq sfond mżewwaq b’viżwal u dwal mill-aqwa.

Dan il-kunċert li d-dħul tiegħu hu mingħajr ħlas, qed isir fil-kuntest tal-festi ta’ Jum il-Belt Victoria organizzat mill-Kunsill Lokali tal-Belt Victoria, u hu parti mill-programm ta’ attivitajiet ta’ Valletta 18 – Belt Kapitali tal-Kultura.  Din l-inizjattiva kienet sostnuta bl-iskema “Ministry for Gozo NGO Assistance Scheme” programm ta’ finanzjament għall-Organizzazzjonijiet Volontarji f’Għawdex u bil-kollaborazzjoni ta’ General Softdrinks, u Citadel Insurance.

Aktar informazzjoni tista’ tinkiseb fuq www.lastella.com.mt

Aħbarijiet Oħra
Mużika

II-grupp vokali The Swingles ilu jwessa’ l-orizzonti mużikali għal dawn l-aħħar ħamsin sena. Is-seba’ kantanti żgħażagħ li illum jiffurmaw dan il-grupp ibbażat f’Londra – Joanna Goldsmith-Eteson, Federica Basile, Liz Swain,…

Mużika

Fil-25 ta’ Awwissu se jsir kunċert tal-mużika bl-orgni fix-Xewkija, f’Għawdex. Il-kunċert, li se jibda fis-19:30pm, se jitmexxa minn Luke Mitchell fil-knisja ta’ San Gwann Battista fix-Xewkija, Għawdex. Għal aktar informazzjoni…

Mużika

In attempt to fundraise for a newer and bigger Dar BJORN, ALS Malta has partnered up with most of Malta’s most loved Versatile Brass & many local artists in order to put…

Aktar