Mużika
‘Santa Marija, il-Mara l’Hi Sbuħija’ – Kunċert ta’ mużika oriġinali fiċ-Ċittadella

Il-kunċert-oratorjo bit-tema ‘Santa Marija, il-Mara l’Hi Sbuħija’, se jittella’ nhar is-Sibt, 4 ta’ Awwissu mill-Fondazzjoni Santa Ċeċilja ta’ Għawdex. Dan l-oratorjo huwa marbut mal-misteru tal-Assunta u mat-tradizzjonijiet li jsawwru dan il-poplu u li huma marbutin mal-ġrajja tal-Konvoj ta’ Santa Marija.

Waqt it-tnedija ta’ dan il-kunċert-oratorju li ser isir fil-Knisja Katidrali ta’ Għawdex, il-Ministru Justyne Caruana faħħret l-impenn u l-professjonalità li qed tħaddan din l-għaqda volontarja biex kull ma jmur, tkompli tkattar il-wirt kulturali, speċjalment dak mużikali fil-gżira Għawdxija. Il-Ministru Caruana rringrazjat lis-Surmast Antoine Mercieca kif ukoll lis-Sur Joe W. Psaila li ħa ħsieb jikteb il-lirika għal dan l-oratorju b’differenza.

Il-Ministru għal Għawdex qalet li din l-inizjattiva, ikkwalifikat b’suċċess biex tikseb il-fondi taħt l-iskema li nieda l-istess ministeru biex tassisti organizzazzjonijiet volontarji Għawdxin u dan juri l-impenn tal-Ministeru għal Għawdex biex tisseddaq il-kultura f’Għawdex u b’hekk ikollna prodott turistiku b’valur miżjud.

L-oratorjo hu miktub għal solisti u orkestra li se jkunu taħt id-direzzjoni mużikali u artistika tas-surmast Antoine Mercieca. Se jieħdu sehem is-soprani Rosabelle Bianchi, Ruth Portelli, u Maria Grech Magro, il-mezzo-sopran May Caruana, it-tenur Charles Vincenti, u l-baritonu Louis Andrew Cassar.

Dan il-kunċert-oratorju ser isir ġewwa l-Katidral ta’ Għawdex nhar is-Sibt, 4 ta’ Awwissu 2018 u se jibda fit 8.30pm. Il-pubbliku inġenerali hu mistieden bla ħlas.

Aħbarijiet Oħra
Mużika

It’s March 2019 and the Gozo Youth Orchestra, under the direction of Mro. Dr. Joseph Grech and in collaboration with 7SPP and Festivals Malta, is once again on the road….

Mużika

Il-Qtates ta’ max-Xatt huwa spettaklu maġiku għat-tfal li se jiftaħ il-programm ta’ Teatru Malta għall-2019 fit-23 u l-24 ta’ Frar bi sħubija ma’ Festivals Malta. Din il-produzzjoni hija adattament tal-ktieb…

Mużika

Rock ’N Malta are proud to present Pink Floyd’s founding member Nick Mason and his band Saucerful of Secrets live in concert on the 10th of July at St.George’s Square,…

Mużika

Iktar minn 40 drummer Belġjan u iktar minn 50 drummer Malti se jieħdu sehem fl-ewwel edizzjoni ta’ Drumfest li se jsir f’Malta. Il-festival jikkonsisti f’medley ta’ kanzunetti popolari li se…

Aktar