Attivita'
Se jippruvaw isajru 3,000 platt f’lejl wieħed f’Għawdex

Hekk kif is-sajf issa daħal f’laqwa tiegħu, mhux b’inqas l’għadd kbir ta’ attivitajiet li jiġu organizzati matul dan l-istaġun. Għawdex f’dan iż-żmien ikun fl-aqwa tiegħu, b’għadd kbir ta’ Maltin u turisti jżuru din il-gżira għal ftit jiem ta’ mistriħ u sabiex igawdu mill-kultura unika ta’ din il-gżira.

Għal sena oħra ser tiġi organizzata edizzjoni speċjali f’Għawdex tal-Festival Internazzjonali Malti – ċelebrazzjoni kulinari tal-aqwa kċejjen minn madwar id-dinja fil-Pjazza tax-Xewkija. Wara s-suċċess tal-edizzjoni precedenti din is-sena l-avveniment ser ikun mifrux fuq jumejn – il-Ġimgħa 10 u s-Sibt 11 ta’ Awwissu.

Din ser tkun opportunita’ unika sabiex wieħed jaqsam il-passjoni tiegħu għall-ikel filwaqt li jduq l-ifjen platti minn għadd ta’ pajjiżi minn madwar id-dinja fl-isfod tar-rotunda majestuża tax-Xewkija.

Din is-sena l-avveniment mistenni jkun ikbar minn qatt qabel fejn il-parteċipanti qiegħdin jilqħgu l-isfida li jippruvaw iservu madwar 3000 platt f’lejla waħda biss. Din ser tkun sfida għall-kokijiet parteċipi li jridu jassiguraw il-kwalita’ u t-tjubija fl-ikel filwaqt li jirnexxielhom jservu dawn il-platti f’qasir żmien. L-ikel ser ivarja minn dak Malti, Indjan, Amerikan, Olandiż, Taljan u Germaniż. Ser ikun hemm ukoll għadd ta’ deżerti addattati għal dan iż-żmien tas-sena.

Id-dħul għal din l-attivita’ ser ikun b’xejn. Dawk li jixtiequ jduqu jew jieklu wieħed mill-platti preparati jistgħu jixtru l-biljetti minn numru ta’ stands li ser ikunu armati. Ser ikun hemm ukoll varjazzjoni ta’ xorb u inbid bi prezzijiet raġonevoli.

Servizz shuttle service ser jiġi offrut mill-Imgarr sax-Xewkija.

Edizzjoni speċjali f’Għawdex tal-Festival Internazzjonali Malti tal-Ikel ser tittella l-Ġimgħa 10 u s-Sibt 11 t’Awwissu mis-sitta ta’ filgħaxija ‘il quddiem fil-Pjazza tax-Xewkija.

Aħbarijiet Oħra
Attivita'

Sa mill-1974, bi storja ta’ 45 sena, il-Kumpanija Teatrali Dumnikani Beltin dejjem ħadmet qatigħ biex ittella’ dramm tal-passjoni għall-jiem tal-Ġimgħa Mqaddsa. Dan id-dramm illum tista’ tgħid huwa sinonimu mal-ġranet tar-Randan…

Attivita'

Il-Festival Gaulitana jirritorna bejn it-8 ta’ Marzu u s-7 t’April 2019, b’edizzjoni li ser tkun marbuta mat-tema “Il-Mara fis-Soċjetà”. Il-festival ħa spunt mill-Manon Lescaut (l-opra magħżula għal din is-sena) u…

Attivita'

Il-‘katavru’ ta’ aristokratiku Ruman ġie espost għall-pubbliku f’parti prominenti tad-Domus Romana, ir-Rabat, Malta. Il-funeral li se jsir nhar il-Ħadd li ġej, 17 ta’ Frar, se jitlaq mid-Domus u jipproċedi lejn…

Attivita'

A Meow hall, where you can meet impressive breeds and new rare breeds (the Japanese Bobtail, Kurlian Bobtail, Russian Blue & Don Sphynx) and hear owners talk about their breeds.  Two days of…

Aktar