Mużika
Siltiet mużikali minn films popolari f’kunċert imtella’ mis-Soċjetà Filarmonika L-Unjoni ta’ Ħal Luqa

Wara s-suċċess miksub is-sena l-oħra bil-kunċert ‘Movies at the Palace’, is-Soċjetà Filarmonika L-Unjoni ta’ Ħal Luqa ser tippreżenta spettaklu ieħor ta’ mużika, dwal u viżwal mid-dinja tac-ċinema nhar is-Sibt 23 ta’ Marzu 2019, ġewwa is-Sala Repubblika, Dar il-Mediterran għall-Konferenzi (MCC). Dan il-kunċert ser jittella’ bis-sehem tal-Filarmonika L-Unjoni flimkien mal-Amadeus Chamber Choir, il-Malta National Children’s Choir u l-kantanti Eleonor Cassar, Tiziana Calleja, u Chris Grech.

Fost il-films li tagħhom ser jigu esegwiti siltiet mużikali nsibu l-aktar siltiet popolari minn The Avengers, Superman, Star Wars, Pirates of the Carribean, The Mission, Legends of the Fall, Braveheart, Crimson Tide, The Greatest Showman u oħrajn. L-għażla tal-mużika żgur għandha tappella għall-gosti differenti.

Id-direzzjoni tal-Filarmonika L-Unjoni flimkien maż-żewġ korijiet ser tkun f’idejn John David Zammit. Flimkien mal-banda ser jingħaqdu għadd ta’ strumenti orkestrali bhall-vjolini, vjolonċelli, kontrabaxxi, l-arpa, il-fagott u oħrajn. Jakkumpanjaw il-mużika ser ikun hemm effetti specjali ta’ dwal u viżwal li jrendu s-serata wahda tassew maġika.

Biljetti għal dan l-ispettaklu jisgħu jinkisbu minn fuq is-sit www.showshappening.com. Id-dħul minn dan il-kunċert ser ikun qed jgħin lill-Malta Communicty Chest Fund Foundation. Dan il-kunċert hu parti minn proġett iffinanzjat permezz taI-iskema ‘Voluntary Organisations Project Scheme’, amministrat mill-Kunsill Malti għas-Settur tal-Volontarjat f’isem il-Ministeru għal-Edukazzjoni u l-Impjiegi.

Aħbarijiet Oħra
Mużika

Bħal-lum ġimgħa, il-Ġimgħa 19 ta’ Lulju 2019, l-Orkestra Filarmonika Nazzjonali se tkun qed tesegwixxi Programm Mużikali bl-isem ta’ ‘Swing Summer Night’ fil-Każin San Gejtanu fit-8.00pm. Id-dħul għal dan il-Programm Mużikali…

Mużika

Nhar it-Tnejn 24 ta’ Ġunju fit-8pm, il-Banda San Gejtanu, taħt id-direzzjoni tas-Surmast direttur tagħha, Mro. Jonathan Borg FLCM, se tkun qed tesegwixxi Programm Mużikali fil-bitħa tal-Każin San Gejtanu, propju fil-ġurnata…

Mużika

Il-produtturi ta’ Balzunetta Productions qed iħabbru il-artisti prinċipali u l-bqija tal-kast għal musical ikoniku Il-Kbir Għadu Ġej, li ser iseħħ l-ewwel darba ġewwa Dar il-Mediterran fil-Belt Valletta fid-9 ta’ Awwissu…

Mużika

The Embassy of France in Malta and the Embassy of Italy in Malta with the Italian Cultural Institute are organising a joint concert on Saturday 8th June at 7.30 pm…

Aktar