Attivita'
Skopri aktar dwar l-ambjent Malti fl-isfond ta’ Għar Dalam

Minbarra l-importanza paleontoloġika u arkeoloġika tiegħu, is-sit preistoriku ta’ Għar Dalam f’Birżebbuġa huwa wkoll żona protetta ta’ Natura 2000. Il-Ħadd li ġej, 11 ta’ Novembru, Heritage Malta qed tistieden lill-pubbliku biex iżur dan is-sit u jipparteċipa f’attivitajiet li se jiffukaw fuq aspetti varji tal-ambjent Malti. Dan l-avveniment se jinvolvi wkoll numru ta’ NGOs ambjentali u entitajiet tal-gvern.

L-attivitajiet se jibdew fid-9am bi żjara botanika fiż-żona ta’ Wied Dalam mmexxija min-Nature Trust. Din iż-żjara ssir mill-ġdid fil-11am, fis-2pm, u fl-4pm.

Fid-9:30am, l-Awtorità tal-Ambjent u r-Riżorsi (ERA) se tiddiskuti wkoll l-ispeċi Maltin. Din id-diskussjoni tiġi rrepetuta fl-10:30am u fil-11:30am.

Matul il-ġurnata, GROW 10 TREES Project se jkunu qed jagħtu dimostrazzjonijiet dwar il-propogazzjoni tas-siġar, filwaqt li fl-10:00am u fit-3:30pm se jkunu qed jiżirgħu xi siġar fil-post.

Diversi sezzjonijiet fil-wirja se jipprovdu iktar opportunità biex wieħed jesplora l-aspetti differenti tal-ambjent tagħna. Dawn jinkludu:
• Heritage Malta – fawna tal-għerien;
• Ambjent Malta – immaniġġjar tal-widien;
• ERA – speċi nazzjonali;
• Birdlife – crafts u treasure hunts;
• Nature Trust – l-ambjent naturali;
• Golden Island – tidwiq tal-għasel u turija ta’ kif isir. Il-prodotti tal-għasel ta’ Heritage Malta se jkunu għall-bejgħ.

Waqt dan l-avveniment, il-parteċipanti se jkunu jistgħu jagħżlu li jieħdu sehem f’attivitajiet relatati mal-ambjent, mixjiet madwar l-inħawi, u żjarat f’Għar Dalam. Se jkun hemm ukoll stand bl-ikel.

Il-viżitaturi se jingħataw roħs fil-prezz tad-dħul għal €2. Madanakollu, dawk li jaslu Għar Dalam bir-rota se jkunu jistgħu jidħlu bla ħlas bħala inċentiv għal użu ta’ trasport favur l-ambjent.

Aħbarijiet Oħra
Attivita'

It-taħdita li se ssir nhar il-Ġimgħa, 26 t’April, fil-Mużew Nazzjonali tal-Istorja Naturali fl-Imdina, se jkompli mat-tema li ġiet introdotta x-xahar li għadda – dwar speċi aljeni u invażivi. Filwaqt li…

Attivita'

Fl-okkażjoni tal-175 sena minn meta l-Furjana saret Parroċċa kif ukoll il-100 sena mit-twelid tal-artist il-Prof. Emvin Cremona il-parroċċa San Publju b’kollaborazzjoni mal-Assoċjazzjoni Publju ta’ Malta ser jorganizzaw akkademja mużiko-letterarja biex…

Attivita'

Il-festa ta’ San Girgor hija avveniment tradizzjonali poplari ħafna mal-Maltin u li ilu jsir mill-1500. Din il-festa tiġi ċċelebrata fl-ewwel Erbgħa wara l-Għid u fil-bidu kienet tikkonsisti f’pelegrinaġġ minn konfaternitajiet…

Attivita'

Il-Kunsill Lokali ta’ Ħal Għaxaq, flimkien maż-żewġ Għaqdiet Mużikali tal-lokal, ser ikun qed jorganizza ir-reba’ edizzjoni taċ-Cheese and Wine Festival fil-pjazza ewlenija ta’ Ħal Għaxaq nhar is-Sibt 27 ta’ April…

Aktar