Kultura
Skopri t-teżori li fih il-Palazz tal-Granmastru bla ħlas nhar il-Ġimgħa

L-Armerija u l-Kmamar Statali tal-Palazz tal-Granmastru se jkunu miftuħin bla ħlas għall-viżitaturi nhar il-Ġimgħa, festa pubblika.  Heritage Malta se tagħti din l-aħħar opportunità lill-Maltin u t-turisti biex iżuru wkoll il-wirja li qed tittella’ bħalissa fis-Sala tal-Pranzu u fis-Sala tat-Tron – Picasso and Miro’: The Flesh & the Spirit – li se tibqa’ miftuħa sat-30 ta’ Ġunju.

Il-Palazz tal-Granmastru kien fost l-ewwel postijiet mibnija mill-Kavallieri ta’ San Ġwann fil-Belt Valletta lejn l-aħħar tas-Seklu 16.  Matul is-snin, il-Palazz tkabbar u ssebbaħ sakemm ħa l-forma strutturali preżenti.  Serva wkoll bħala l-kwartieri tal-Granmastru, tal-Kmandanti tat-Truppi Franċiżi, tal-Gvernaturi Ingliżi u tal-Presidenti tar-Repubblika ta’ Malta.

L-Armerija fiha l-akbar kollezzjonijiet ta’ armi u armaturi li għadhom esebiti fil-binja oriġinali tagħhom, filwaqt li l-Kmamar Statali huma mżejna b’pitturi Barokki tas-Seklu 18 u oġġetti li ngħataw minn mexxejja diversi li jmorru lura minn żmien l-Ordni ta’ San Ġwann sal-lum.  Is-Sala tal-Arazzi għandha l-uniku sett ta’ arazzi komplut fid-dinja tas-Sekllu 18 tal-French Gobelins, intitolat Les Teintures des Indes.

Se jsiru żewġ żjarat bi gwida nhar il-Ġimgħa li jibdew fl-10.30am u fis-2pm.  Il-ħinijiet tal-ftuħ se jkunu mid-9am ‘l quddiem, bl-aħħar dħul isir bejn l-4pm u l-4.30pm.

Aħbarijiet Oħra
Wirja

Għada, 8 ta’ Lulju 2019, għall-ħabta tat-8.30pm, fi Pjazza Mifsud Bonnici, Marsaskala, ser jittella’ kunċert mużikali mill-Banda tal-Pulizija. Se ssir ukoll wirja mill-Precision Drill Team u mis-Sezzjoni tal-Klieb, flimkien ma’…

Wirja

Bħala parti mill-missjoni tagħha biex tassigura li l-elementi tal-wirt kulturali jkunu aċċessibbli għal kulħadd, qed tiġi organizzata żjara speċjali ġewwa l-MUŻA minn Heritage Malta u l-Aġenzija Sapport, nhar l-Erbgħa 10…

Kultura

L-oriġini tal-festi Maltin imur lura għal nofs is-seklu tmintax. Din it-tradizzjoni baqgħet tintiret minn ġenerazzjoni għal oħra, tul iż-żmien. Fir-raħal ta’ Ħal Luqa, il-festa ad unur il-patrun Sant’ Andrija hija…

Wirja

Il-Kummissjoni Nar Soċjetà Mużikali Beland ser tkun qed torganizza The Beland Motor Show għat-tielet sena konsekuttiva bejn is-27 u 28 ta’ Lulju. Fis-27 ta’ Lulju l-wirja ser tkun qed titella’…

Aktar